Vosa Vakaibalebale 17:1-28
17 E vinaka e dua na tiki ni madrai mamaca e tu vata kei na vakacegu,+E ca ni oso na vale ena kanavata* kei na veileti.+
2 Na dauveiqaravi yalomatua ena lewa na gone e vakamadua na nona ivalavala,Ena vakaivotavota o koya me vaka e dua vei ira na veitacini.
3 Na kuro e vakasavasavataki kina na siliva kei na koula ena lovo,+Ia o Jiova e dikeva na lomada.+
4 Na tamata ca e vakarogoca na vosa veivakacudrui,Kei na dau lasu e vakatudaliga ina yame dau vakatubuca.+
5 Na tamata e vakalialia na dravudravua e beca na Dauveibuli,+Kei koya e marautaka na nona leqa e dua tale ena sega ni drovaka na itotogi.+
6 Na nodra isala na qase na makubudra tagane,*Kei na nodra isakisaki na tama* na luvedra tagane.*
7 E sega ni yaga vua na lialia na vosa dina.*+
Sa qai sega sara vua na turaga na vosa lasu!+
8 Na iloloma e vaka na vatutalei vua na kena itaukei,+E yaga vua ena vanua kece e gole kina.+
9 O koya e vosota* na cala e qara na veilomani,+Ia o koya e weroka tiko ga na ka, e tawasei ira na itokani dredre.+
10 Na veivunauci e yaga vakalevu vei koya e yalomatua,+Sega so na nona moku vakaduanadrau na lialia.+
11 E saga na tamata ca me talaidredre,Ia ena talai vua na italai yaloca me totogitaki koya.+
12 E vinaka na sota kei na bea e yali na luvenaE ca na sota kei na tamata sesewa ni lialia mai.+
13 Ke dua e sauma na vinaka ena ca,Ena sega ni yali mai na nona vale na ka ca.+
14 Ni tekivu na veileti e vaka na dola ni baniua,*
Ni bera ni tubu na veiba mo biubiu.+
15 O koya e vakadonuya na tamata ca kei koya e vakacalai koya e cakadodonu,+E sevaki rau ruarua o Jiova.
16 Na cava na betena me tiko vua na yalowai na ka me rawati kina na vukuNi sega ni lomana me rawata?*+
17 Na itokani dina e loloma ena veigauna,+E tacida ena gauna ni rarawa.+
18 Na tamata yalowai e lululu qai vakaiotakaMe veiyalayalati* ni tiko na wekana.+
19 O koya e taleitaka na veileti e taleitaka na cakacala.+
O koya e vakacerecerea na nona katuba e qara na leqa.+
20 O koya e veidabui na lomana ena sega ni kunea na ka vinaka,+Kei koya e veivakacalai na ka e tukuna ena leqa kina.
21 Na tamana na gone sesewa ena rarawa,Kei na tama e yalowai na luvena e sega ni marau.+
22 Na yalomamarau e wai vinaka,+Ia na yalorarawa e vakaotia na igu.*+
23 Na tamata ca ena veivaqumi lo*Me vakatanitaka na sala ni lewadodonu.+
24 Na vuku e tiko e matana na yalomatua,Ia na matana na lialia e veiraiyaki ina iyalayala kei vuravura.+
25 Na gone lialia e vakararawataki tamana,E vakamosiyalo* vua e vakasucumi koya.+
26 E sega ni vinaka me totogitaki* na yalododonu,Kei na nodra kuitalaki na tamata rokovi e sega ni dodonu.
27 Na tamata kilaka e lewa vinaka na nona vosa,+Kei koya e yalomatua e yalomalua tiko ga.+
28 Ni tiko lo mada ga na lialia ena tukuni ni vuku,Kei koya e qamugusu e yalomatua.
iVakamacala e ra
^ Ipe., “isoro.”
^ Se “makubudra.”
^ Se “itubutubu.”
^ Se “luvedra.”
^ Se “vinaka.”
^ Ipe., “ubia.”
^ Se “vaka na dola ilatiniwai.” Ipe., “dola wai.”
^ Se “Ni sega ni yalomatua?”
^ Se “sauma na dinau.”
^ Se “mamaca kina na sui.”
^ Ipe., “veivaqumi e lomaserena.”
^ Ipe., “vakavurarawa.”
^ Se “saumi ilavo.”
