Vunau ni Soro 2:1-16
-
Na isoro kakana (1-16)
2 “‘Ke dua e cabora vei Jiova na isoro kakana,+ me nona isoro na falawa vinaka sara, me livia kina na waiwai, qai biuta kina na drega boivinaka.+
2 Ena kauta yani vei ira na bete era luvei Eroni, qai yakuta na bete na falawa vinaka sara kei na waiwai, na kena drega boivinaka kece tale ga, me qai cakava me kubou ena icabocabonisoro, me isoro ni ivakananumi,*+ me isoro e vakamai me talei* vei Jiova na kena iboi.
3 Ia na ka e vo mai na isoro kakana qori e nei Eroni kei ira na luvena,+ me ka tabu sara+ mai na isoro e cabori vei Jiova ena bukawaqa.
4 “‘Ke o cabora na isoro kakana e vavi ena ovani, me caka mai na falawa vinaka sara, me madrai sega ni vakaleveni e vakawaiwai qai buli vaka na mama, se madrai mamare sega ni vakaleveni qai boro ena waiwai.+
5 “‘Ke nomu isoro na isoro kakana e tavu ena itavutavu,+ me caka mai na falawa vinaka sara sega ni vakaleveni qai vakawaiwai.
6 Me wasewasei vakalalai qai livia kina na waiwai.+ Qori na isoro kakana.
7 “‘Ke nomu isoro na isoro kakana e vakabutari ena itavuteke, me caka mai na falawa vinaka sara qai vakawaiwai.
8 Mo kauta mai vei Jiova na isoro kakana era caka va qo, me qai soli vua na bete, ena kauta voleka yani o koya ena icabocabonisoro.
9 Ena qai taura cake eso na isoro kakana na bete me isoro ni ivakananumi,*+ me qai cakava me kubou ena icabocabonisoro me isoro e vakamai me talei* vei Jiova na kena iboi.+
10 Na ka e vo mai na isoro kakana e nei Eroni kei ira na luvena era bete, me ka tabu sara mai na isoro e cabori vei Jiova ena bukawaqa.+
11 “‘Me kua ni vakaleveni+ na isoro kakana oni cabora vei Jiova, ni sega ni dodonu moni cabora vei Jiova ena bukawaqa na falawa wiwi sa bali oti se oni* me kubou cake vua.
12 “‘Oni rawa ni cabora vei Jiova me isoro ni isevu,+ ia me kua ni kau ena icabocabonisoro me talei* na kena iboi.
13 “‘Me vakamasimataki na isoro kakana kece o cakava, mo raica me kua ni yali mai na nomu isoro kakana na masima ni veiyalayalati ni nomu Kalou. Mo cabora kei na masima+ na nomu isoro kece.
14 “‘Ke o kauta na isevu ni nomu covuata me isoro kakana vei Jiova, mo kauta yani na covuata vou,* e tavu ena bukawaqa qai qaqiraki me matailelevu tu ga, me isoro kakana mai na isevu ni nomu covuata.+
15 Mo vakawaiwaitaka qai biuta kina na drega boivinaka. Qori na isoro kakana.
16 Ena cakava na bete me kubou me isoro ni ivakananumi,*+ oya eso na covuata e qaqiraki, na waiwai, kei na kena drega boivinaka kece me isoro e cabori ena bukawaqa vei Jiova.
iVakamacala e ra
^ Se “dua na kena iwase me ivakananumi (mata).”
^ Se “veivakalomavinakataki, malumu.” Ipe., “veivakacegui.”
^ Se “me veivakalomavinakataki, malumu.” Ipe., “veivakacegui.”
^ Se “me dua na kena iwase me ivakananumi (mata).”
^ Kena irairai ni sega ni denioni qo, na wai kamikamica ga ni vuata.
^ Se “me veivakalomavinakataki, malumu.” Ipe., “veivakacegui.”
^ Se “mo kauta yani na sola drokadroka.”
^ Se “me dua na kena iwase me ivakananumi (mata).”
