KLISÁNWUN GBƐ ZÍNZÁN
Lěe un sixú nɔ gǔdo nú nyǐkɔ ɖagbe e ɖo ta nú mǐ é gbɔn é
Mɛ lɛ́ nɔ ɖ’ayi lěe Kúnnuɖetɔ́ Jexóva tɔn lɛ́ nɔ wa nǔ gbɔn é wú. (1Kɔ 4:9) Mǐ sixú kanbyɔ́ mǐɖée ɖɔ: ‘Xó ce lɛ́ kpó nǔwiwa ce lɛ́ kpó ka nɔ sɔ́ Jexóva su a?’ (1Pi 2:12) É ɖo wɛn ɖɔ mǐ kún jló ná wa nǔ ɖěbǔ e ná hɛn nyǐkɔ ɖagbe e Kúnnuɖetɔ́ Jexóva tɔn lɛ́ dó gǎn bo ɖó é gblé ó.—Nǔt 10:1.
Ðo ninɔmɛ élɔ́ lɛ́ mɛ ɔ, wlǎn lěe klisánwun ɖé ɖó ná wa nǔ gbɔn é kpó nǔgbódodó Biblu tɔn e sixú d’alɔ é ɖé kpó:
-
Nǔmaɖitɔ́ ɖé mɔ xó ɖɔ dó wǔ we kpó xomɛsin kpó
-
Awu towe, mɔ̌to alǒ kɛkɛ́ towe, abǐ xwé towe kwíji
-
Sɛ́n xá towe mɛ tɔn ɖé sɔgbe nukún towe mɛ ǎ, alǒ vɛ́ wǔ bɔ a ná se tónú ná
Kpɔ́n lěe nɔví e nɔ ba do nú nǔ ɖo Azɔ̌xɔsá nǔwlánwlán tɔn lɛ́ é nɔ jɔ fún dó nyǐkɔ ɖagbe e ɖo ta nú mǐ é mɛ gbɔn é.
KPƆ́N VIDEO WǍNYÍYÍ KPÓ SÍSÍ KPÓ ÐÍÐÓ NÚ NǓGBÓ Ɔ Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́:
Étɛ́ ka jí wǔ nú we ɖo gǎn e tutoblónúnǔ ɔ nɔ dó dó bló bɔ nǔ e yě nɔ xwlé mɛ lɛ́ é nɔ sɔgbe é mɛ?
