Meɗen winndude e meɗen waylude defte cewɗe e nder haalaaji ko ɓuri 750 fii no men waajora “ kibaaru moƴƴo on ” e “ kala leɲol e kala bolondaa e kala haala e kala jamaa.” (Feɲɲinannde 14:6). Ko honno men gaynirta ɗun ? Ko hoore ballal mojobere winndooɓe e mojobere waylooɓe wakkiliiɓe — ɓe fow ko ɓe Seedeeɓe Yahuwah.

Binndi arani ɗin no winndaa e angele. Ko Hikkiiɓe ka fewjoore ɓen woni aynude golle mojobere winndooɓe ɓen ka yiilirde mawnde. Ko kamɓe woni e sennditude golle ɗen hakkunde winndooɓe ɓen ka yiilirde mawnde e ɓee ka yiilirɗe kippuɗe fii golle waajagol ngol. Heɓugol mojobere winndooɓe iwruɓe aduna on fow no walli fii no leƴƴi ɗin fow no yiɗira defte amen ɗen.

Ko winndaa kon naɓete ka waylooɓe ɓen. Si winndooɓe ɓen gayni, ɓe jannga, ɓe ndaara si no moƴƴi, ɓe naɓa ka waylooɓe ɓen e nder aduna on fow. Waylooɓe ɓen etoto no ɓe waylira “ haalaaji goonga ” no moƴƴiri non e nder haala maɓɓe kan. — Waajotooɗo on 12:10, TMN.

Ordinateeriiji ɗin yawna golle ɗen. Ordinateeriiji ɗin lontotaako winndooɓe ɓen maa waylooɓe ɓen. Kono, ɓe winndiray ordinateeriiji ɗin fii no golle ɗen yaawira. Ɓe huutora saggitorɗe e defte ko wallitoo ɓe. Seedeeɓe Yahuwah ɓen no mari yuɓɓo inneteengo (MEPS) ka ordinateeriiji ko wallata ɓe no ɓe winndira defte cewɗe e nder haalaaji buy, ɓe waɗa fotooji e ko pirintinaa.

Ko fii honɗun men etotoo waylugol e nder haalaaji buy ? Ko ɓayri faale Yahuwah on ko fii “ yo yimɓe fow dande, ɓe ara e andugol goonga on ”. — 1 Timotee 2:3, 4.

• Ko honno defte amen cewɗe ɗen wona e winndireede ?

• Ko fii honɗun men waylanta defte amen cewɗe ɗen e nder haalaaji buy ?