2 Samuel 1:1-27
1 Saul gbele sɛɛ, be ni David eyaye Amalekbii lɛ anɔ kunim* ni eku esɛɛ eba lɛ, David yahi Ziklag+ gbii enyɔ.
2 Gbi ni ji etɛ lɛ nɔ lɛ, nuu ko jɛ Saul nsara lɛ mli ba kɛ etadei ni egbála kɛ eyiteŋ shia. Be ni eshɛ David hiɛ lɛ, ekula shi ni ekoto lɛ.
3 David bi lɛ akɛ: “Nɛgbɛ ojɛ kɛbaa nɛɛ?” Ni ekɛɛ akɛ: “Israel nsara lɛ mli mijo foi kɛjɛ kɛbaa nɛɛ.”
4 David bi lɛ akɛ: “Te nibii tee lɛ hã tɛŋŋ? Ofainɛ, kɛɛmɔ mi.” Kɛkɛ ni ekɛɛ akɛ: “Israel asraafoi lɛ ejo foi yɛ ta lɛ naa, ni mɛi babaoo enyɔnyɔi ni amɛgboi. Saul kɛ ebinuu Yonatan hu egboi.”+
5 Kɛkɛ ni David bi oblanyo lɛ ni bɔɔ lɛ amaniɛ lɛ akɛ: “Te ofee tɛŋŋ ole akɛ Saul kɛ ebinuu Yonatan egboi lɛ?”
6 Oblanyo lɛ kɛɛ akɛ: “Miyaje Gilboa Gɔŋ+ lɛ nɔ trukaa, ni mina Saul bu ekpɔlɔ lɛ nɔ, ni shwiilii lɛ kɛ okpɔŋɔnɔtaralɔi lɛ enina lɛ etã.+
7 Be ni etsɔ ehe ni ena mi lɛ, etsɛ mi, ni mihere nɔ akɛ, ‘Naa mi!’
8 Ebi mi akɛ, ‘Namɔ ji bo?’ Ni mikɛɛ akɛ, ‘Amaleknyo+ ji mi.’
9 Kɛkɛ ni ekɛɛ akɛ, ‘Ofainɛ, baadamɔ mimasɛi ni ogbe mi, ejaakɛ miina nɔ waa shi mihiɛ kã lolo.’*
10 No hewɔ lɛ, miyadamɔ emasɛi ni migbe lɛ,+ ejaakɛ mile akɛ bɔ ni egbee shi ni epila lɛ enáŋ wala kɔkɔɔkɔ. Kɛkɛ ni mijie maŋtsɛ fai* ni bu eyitso lɛ kɛ ga ni yɔɔ enine lɛ, ni mikɛba biɛ koni mikɛbahã minuŋtsɔ.”
11 Kɛkɛ ni David mɔ etadei lɛ ni egbala, ni hii ni fata ehe lɛ hu fee nakai nɔŋŋ.
12 Ni amɛwo yara ni amɛfó ni amɛhi ŋmaa+ kɛyashi gbɛkɛ yɛ Saul, kɛ ebinuu Yonatan, kɛ Yehowa maŋ lɛ, kɛ Israel shĩa lɛ hewɔ,+ ejaakɛ amɛgboi yɛ klante naa.
13 David bi oblanyo ni babɔ lɛ amaniɛ lɛ akɛ: “Nɛgbɛ ojɛ?” Ni ekɛɛ akɛ: “Gbɔ ko ni ji Amaleknyo binuu ji mi.”
14 Kɛkɛ ni David bi lɛ akɛ: “Mɛni hewɔ osheee gbeyei akɛ obaawó onine nɔ yɛ mɔ ni Yehowa efɔ lɛ mu lɛ nɔ koni ogbe lɛ lɛ?”+
15 Kɛkɛ ni David tsɛ oblahii lɛ ateŋ mɔ kome ni ekɛɛ lɛ akɛ: “Ba ni obatswa lɛ nɔ.” No hewɔ lɛ, etswa lɛ nɔ, ni egbo.+
16 David kɛɛ lɛ akɛ: “Bo diɛŋtsɛ olá abua oyiteŋ, ejaakɛ bo diɛŋtsɛ okɛ onaabu eye odase eshi ohe akɛ, ‘Migbe mɔ ni Yehowa efɔ lɛ mu lɛ.’”+
17 Kɛkɛ ni David fo Saul kɛ ebinuu Yonatan he yaafo lala nɛɛ,+
18 ni ekɛɛ atsɔɔ mɛi ni yɔɔ Yuda lɛ yaafo lala nɛɛ ni atsɛɔ lɛ “Gãi Lɛ” ni aŋma yɛ Yashar wolo+ lɛ mli lɛ:
19 “Ao Israel, agbe ohe fɛo lɛ ashwie ohei grɔŋŋi lɛ.+
Kwɛ bɔ ni kãkãlɔi lɛ egbeegbee shi!
20 Nyɛkashiɛa enɛ yɛ Gat;+Nyɛkatswaa he adafi yɛ Ashkelon gbɛjegbɛi lɛ anɔ,Kɛjeee nakai lɛ, Filistibii lɛ abiyei lɛ baanya,Kɛjeee nakai lɛ, hii ni afolɔko amɛ ketia lɛ abiyei lɛ amli baafili amɛ.
21 Nyɛ Gilboa gɔji,+Bɔ́ ko loo nugbɔ ko akanɛ eshwie nyɛnɔ,Ni akaná ŋmɔ ko ni woɔ yibii krɔŋkrɔŋi yɛ nyɛnɔ,+Ejaakɛ jɛmɛ ji he ni abule kãkãlɔi lɛ atsɛŋ lɛ yɛ,Saul tsɛŋ lɛ po, afɔŋ lɛ mu dɔŋŋ.
22 Yonatan gãi lɛ ekuuu esɛɛ efolo,+Ni Saul klante lɛ hu ekuuu esɛɛ efolo,+Kɛjɛɛɛ mɛi ni agbe lɛ alá lɛ, kɛ kãkãlɔi lɛ afɔ lɛ he.
23 Saul kɛ Yonatan,+ asumɔ amɛ ni adɔ amɛhe waa* yɛ amɛwala beiaŋ,Ni yɛ gbele mli po lɛ, amɛmli gbalaaa.+
Amɛhe yɛ oya fe okropɔŋi,+Ni amɛhe wa fe jatai.+
24 Ao Israel biyei, nyɛfóa Saul,Mɔ ni wula nyɛ kɛ atadei tsuji fɛfɛji lɛ,Mɔ ni kɛ shika tsuru jwinei shwie nyɛtadei lɛ anɔ lɛ.
25 Kwɛ bɔ ni kãkãlɔi lɛ egbeegbee shi yɛ ta mli!
Agbe Yonatan afɔ̃ ohei grɔŋŋi lɛ!+
26 Miwerɛ eho mihe waa yɛ ohewɔ, minyɛmi nuu Yonatan;Osane kã mitsui nɔ tamɔ nɔ ko.+
Suɔmɔ ni ojie kpo otsɔɔ mi lɛ nɔ bɛ, efe yei asuɔmɔ po.+
27 Kwɛ bɔ ni kãkãlɔi lɛ egbeegbee shiKɛ bɔ ni tawuu nii lɛ hu ahiɛ ekpãtã!”
Shishigbɛ Niŋmaa
^ Loo “eyagbe Amalekbii lɛ.”
^ Loo “ejaakɛ misusuma fɛɛ yɛ mimli lolo.”
^ Loo “akekere.”
^ Loo “ayɛ amɛhe miishɛɛ.”
