Lalai 144:1-15
David nɔ.
144 Ajie Yehowa, mi-Tɛsaa+ lɛ yi,Mɔ ni tsɔɔ miniji tawuu,Kɛ miwaobii bɔ ni awuɔ ta lɛ.+
2 Lɛ ji misuɔmɔ ni tsakeee kɛ miteemɔhe,Mibobaahe ni yɔɔ shweshweeshwe* kɛ mijielɔ,Mitsɛŋ kɛ mɔ ni ji mishihilɛhe,+Mɔ ni baa majimaji ashi ewoɔ mishishi lɛ.+
3 Ao Yehowa, mɛni ji gbɔmɔ ni ojwɛŋɔ ehe,Kɛ gbɔmɔ bi hu, ni ogbaa ohe naa yɛ ehe?+
4 Gbɔmɔ tamɔ kɔɔyɔɔ ni amuɔ;+Egbii lɛ tamɔ hɔɔŋ ni hoɔ.+
5 Ao Yehowa, ba oŋwɛi lɛ shi* ni okpeleke shi;+Taa gɔji lɛ ahe koni ohã amɛje lasu.+
6 Hã sarawai agbala ni ogbɛ henyɛlɔi lɛ oshwã;+Tsɛ̃ ogãimlibii lɛ koni ohã amɛyiŋ afutu.+
7 Kpã onine mli kɛjɛ ŋwɛi;Jiemɔ mi, ni ohere mi kɛje nui ni efee hamahama lɛ amli,Kɛje gbɔi lɛ adɛŋ,+
8 Mɛi ni kɛ amɛnaabui wieɔ amaleiNi amɛholeɔ amɛninejurɔ nɔ kɛkãa amale kitã lɛ.*
9 Ao Nyɔŋmɔ, malá lala hee mahã bo.+
Malá majie* oyi kɛ kpãi nyɔŋma saŋku,
10 Bo mɔ ni ohãa maŋtsɛmɛi yeɔ kunim,*+Bo mɔ ni ojieɔ otsulɔ David kɛjeɔ klante ni gbeɔ mɔ lɛ naa lɛ.+
11 Jiemɔ mi, ni ohere mi kɛje gbɔi adɛŋ,Mɛi ni kɛ amɛnaabui wieɔ amalei,Ni amɛholeɔ amɛninejurɔ nɔ kɛkãa amale kitã lɛ.
12 Kɛkɛ lɛ, wɔbihii lɛ baatsɔmɔ tamɔ tsei bibii ni daraa oyayaayai,Ni wɔbiyei lɛ baatsɔmɔ tamɔ akulashiŋi ni afee kɛhã maŋtsɛ shĩa koji.
13 Wɔnitoohei lɛ baayimɔ obɔbɔ kɛ ŋmɔshi nii srɔtoi fɛɛ;Wɔtoi ni yɔɔ ŋa lɛ nɔ lɛ baaku abɔ he toi akpei kɛ toi akpei nyɔŋmai abɔ.
14 Wɔtsinai ni he etsii amɛ lɛ hu, oshãra ko shãraŋ amɛ* ni amɛmusu sharakeŋ hu;Afóŋ yɛ wɔhenaabuamɔhei lɛ.
15 Maŋ ni náa lɛ nɛkɛ lɛ yɛ miishɛɛ!
Maŋ ni Yehowa ji amɛ-Nyɔŋmɔ lɛ yɛ miishɛɛ!+
Shishigbɛ Niŋmaa
^ Loo “Mimɔɔ ni wa.”
^ Loo “hã oŋwɛi lɛ anyɔ mli.”
^ Hebri sht. ŋm., “Ni amɛninejurɔ ji amale ninejurɔ lɛ.”
^ Loo “Matswa lala kɛjie.”
^ Loo “Bo mɔ ni otsuɔ yiwalaheremɔ nitsumɔi ohãa maŋtsɛmɛi.”
^ Loo “amɛhe ko gbaŋ.”
