Lalai 148:1-14
148 Nyɛjiea Yah yi!*
Nyɛjɛa ŋwɛi nyɛjiea Yehowa yi;+Nyɛjiea eyi yɛ hei ni kwɔlɔ fe fɛɛ lɛ.
2 Nyɛ, ebɔfoi lɛ fɛɛ,+ nyɛjiea eyi.
Nyɛ, esraafoi lɛ fɛɛ,+ nyɛjiea eyi.
3 Nyɛ, hulu kɛ nyɔɔŋtsere, nyɛjiea eyi.
Nyɛ, ŋulamii ni kpɛlɛɔ fɛɛ,+ nyɛjiea eyi.
4 Nyɛ, ŋwɛii amli ŋwɛii,* nyɛjiea eyiKɛ nui ni yɔɔ ŋwɛi lɛ yiteŋ lɛ.
5 Hã amɛjie Yehowa gbɛ́i lɛ yi,Ejaakɛ lɛ efã, ni abɔ amɛ.+
6 Ekɛ amɛ emamɔ shi kɛmiiya naanɔi anaanɔ;+Ekɛ famɔ ni be hoŋ ehã.+
7 Nyɛjɛa shikpɔŋ lɛ nɔ nyɛjiea Yehowa yi,Nyɛ ŋshɔŋ loi wuji kɛ nui ni mli kwɔlɔ fɛɛ,
8 Nyɛ, sarawai kɛ nyɔŋmɔŋtɛi, snoo kɛ atatui ni mli ti,Bo kɔɔyɔɔ ni naa wa, ni oyeɔ ewiemɔ lɛ nɔ,+
9 Nyɛ, gɔji kɛ nyɛ, gɔŋkpɔi fɛɛ,+Nyɛ, tsei ni woɔ yibii kɛ nyɛ, tseneduru tsei fɛɛ,+
10 Nyɛ, ŋa mli kooloi+ kɛ shĩa kooloi fɛɛ,Nyɛ, nibii ni wamɔɔ kɛ loofɔji ni yɔɔ fiji,
11 Nyɛ, shikpɔŋ lɛ nɔ maŋtsɛmɛi kɛ nyɛ, jeŋmaji fɛɛ,Nyɛ, lumɛi kɛ nyɛ, shikpɔŋ lɛ nɔ kojolɔi fɛɛ,+
12 Nyɛ, oblahii kɛ oblayei,*Nyɛ, hiimeji kɛ gbekɛbii fɛɛ.*
13 Hã amɛjie Yehowa gbɛ́i lɛ yi,Ejaakɛ ekome too egbɛ́i ji nɔ ni nɔ kwɔ ni anyɛɛɛ ashɛ he.+
Egbojee lɛ nɔ kwɔ fe shikpɔŋ kɛ ŋwɛi.+
14 Ebaawó ewebii lɛ akolonto* lɛ nɔ,Koni ajie enɔkwafoi lɛ fɛɛ ayi,Israelbii lɛ, ni ji mɛi ni bɛŋkɛ lɛ kpaakpa lɛ.
Nyɛjiea Yah yi!*
Shishigbɛ Niŋmaa
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
^ Loo “ŋwɛi ni kwɔ fe fɛɛ.”
^ Hebri sht. ŋm., “kɛ oblayei froi.”
^ Loo “onukpai kɛ gbekɛbii fɛɛ.”
^ Loo “ahewalɛ.”
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
