Lalai 20:1-9
-
Nyɔŋmɔ maŋtsɛ ni efɔ lɛ mu lɛ yiwalaheremɔ
-
Mɛi komɛi kɛ amɛhiɛ fɔ̃ɔ shwiilii kɛ okpɔŋɔi anɔ, ‘shi wɔ lɛ, wɔbaabo wɔtsɛ Yehowa gbɛ́i’ (7)
-
Kɛhã lalatsɔɔlɔ lɛ. Lala ni David fo.
20 Yehowa abo bo toi yɛ ohaomɔ gbi lɛ nɔ.
Yakob Nyɔŋmɔ lɛ gbɛ́i lɛ abu ohe.+
2 Ejɛ he krɔŋkrɔŋ lɛ eye ebua bo+Ni ejɛ Zion ewaje bo.+
3 Ekai onikee afɔlei lɛ fɛɛ;Ekɛ miishɛɛ amɔ oshãa afɔle lɛ mli.* (Sela)
4 Ehã bo nɔ ni otsui taoɔ lɛ fɛɛ+Ni ehã oyiŋtoi* fɛɛ aba mli.
5 Wɔbaanya yɛ oyiwalaheremɔ nitsumɔi lɛ ahewɔ;+Wɔbaahole wɔflaŋai lɛ anɔ yɛ wɔ-Nyɔŋmɔ lɛ gbɛ́i mli.+
Yehowa ahã bo onibimɔi lɛ fɛɛ.
6 Kpaako miná mile akɛ Yehowa hereɔ mɔ ni efɔ lɛ mu lɛ yiwala.+
Ejɛɔ eŋwɛi krɔŋkrɔŋ lɛ eboɔ lɛ toiNi ekɛ eninejurɔ hereɔ lɛ* yɛ gbɛ kpele nɔ.+
7 Mɛi komɛi kɛ amɛhiɛ fɔ̃ɔ shwiilii anɔ, ni mɛi komɛi hu kɛ amɛhiɛ fɔ̃ɔ okpɔŋɔi anɔ,+Shi wɔ lɛ, wɔbaabo wɔtsɛ Yehowa, wɔ-Nyɔŋmɔ lɛ gbɛ́i lɛ.+
8 Amɛkumɔ ni amɛgbee shi,Shi wɔ lɛ, wɔte shi wɔdamɔ shi ekoŋŋ.+
9 Ao Yehowa, heremɔ maŋtsɛ lɛ yiwala!+
Ebaahere wɔ nɔ yɛ gbi ni wɔbaabo wɔtsɛ lɛ ni eye ebua wɔ lɛ nɔ.+
Shishigbɛ Niŋmaa
^ Hebri sht. ŋm., “Ebu oshãa afɔle lɛ akɛ ewo fɔ.”
^ Loo “oŋaawoi.”
^ Loo “hãa eyeɔ kunim.”
