Lalai 33:1-22
33 Nyɛ jalɔi, nyɛnyaa waa yɛ Yehowa hewɔ.+
Esa jogbaŋŋ akɛ mɛi ni ja lɛ baajie eyi.
2 Nyɛdaa Yehowa shi kɛ saŋku;Nyɛláa nyɛjiea* eyi kɛ kpãi nyɔŋma saŋku.
3 Nyɛláa lala hee nyɛhãa lɛ;+Nyɛtswaa kpãa saŋku lɛ jogbaŋŋ ni nyɛnyaa waa.
4 Ejaakɛ Yehowa wiemɔ lɛ ja,+Ni abaanyɛ akɛ he afɔ̃ nɔ fɛɛ nɔ ni efeɔ lɛ nɔ.
5 Esumɔɔ jalɛ kɛ jalɛsaneyeli.+
Shikpɔŋ lɛ eyi obɔ kɛ Yehowa suɔmɔ ni tsakeee lɛ.+
6 Yehowa wiemɔ naa afee ŋwɛi,+Ni edaaŋ mumɔ* lɛ naa afee nibii fɛɛ ni yɔɔ amɛmli lɛ.*
7 Ebuaa ŋshɔŋ nui lɛ anaa tamɔ nui ni afo afabaŋ awo he;+Ekɛ nui ni efee hamahama lɛ eto nitoohei lɛ.
8 Shikpɔŋ muu lɛ fɛɛ ashe Yehowa gbeyei.+
Mɛi ni yɔɔ shikpɔŋ lɛ nɔ lɛ anaa akpɛ amɛhe yɛ ehewɔ.
9 Ejaakɛ ewie ni eba mli;+Efã ni ema shi shiŋŋ.+
10 Yehowa efite jeŋmaji lɛ aŋaatsɔi* lɛ;+Etswa majimaji lɛ ayiŋtoi* lɛ efɔ̃.+
11 Shi Yehowa yiŋkpɛi* lɛ baadamɔ shi kɛya naanɔ;+Etsui mli susumɔi lɛ yɛ kɛjɛ yinɔ kome nɔ kɛmiiya yinɔ kroko nɔ.
12 Jeŋmaŋ ni Yehowa ji e-Nyɔŋmɔ lɛ yɛ miishɛɛ,+Maŋ ni ehala akɛ lɛ diɛŋtsɛ enii lɛ.+
13 Yehowa jɛɔ ŋwɛi emaa eyi shi ekwɛɔ;+Enaa gbɔmɛi abii fɛɛ.
14 Ejɛɔ eshihilɛhe lɛ,Ekwɛɔ mɛi ni yɔɔ shikpɔŋ lɛ nɔ lɛ.
15 Lɛ efeɔ* gbɔmɛi fɛɛ atsuii;Epɛiɔ amɛnitsumɔi lɛ fɛɛ amli.+
16 Jeee asraafoi babaoo hãa maŋtsɛ yeɔ kunim;+Jeee nuu kãkãlɔ hewalɛ kpele lɛ hereɔ eyiwala.+
17 Kɛ́ okɛ ohiɛ fɔ̃ okpɔŋɔ nɔ kɛhã yiwalaheremɔ* lɛ, olaka ohe;+Ehewalɛ kpele lɛ nyɛŋ ahere mɔ.
18 Naa! Yehowa hiŋmɛi kã mɛi ni sheɔ lɛ gbeyei lɛ ahe,+Mɛi ni mɛɔ esuɔmɔ ni tsakeee lɛ,
19 Koni ejie amɛ* kɛje gbele mliNi ebaa amɛyi yɛ hɔmɔ beiaŋ.+
20 Wɔhiɛ* kã Yehowa nɔ.
Lɛ ji wɔyelikɛbualɔ kɛ wɔtsɛŋ.+
21 Wɔtsuii nyaa yɛ ehewɔ,Ejaakɛ wɔkɛ wɔhiɛ efɔ̃ egbɛ́i krɔŋkrɔŋ lɛ nɔ.+
22 Ao Yehowa, hã osuɔmɔ ni tsakeee lɛ ahi wɔnɔ,+Be mli ni wɔyaa nɔ wɔmɛɔ bo lɛ.+
Shishigbɛ Niŋmaa
^ Loo “Nyɛtswaa lala kɛjiea.”
^ Loo “mumɔ ni emuɔ.”
^ Hebri sht. ŋm., “afee amɛsraafoi lɛ fɛɛ.”
^ Loo “ayiŋtoi.”
^ Loo “asusumɔi.”
^ Loo “yiŋtoo.”
^ Loo “eshɔ̃ɔ.”
^ Loo “kunimyeli.”
^ Loo “amɛsusuma.”
^ Loo “Wɔsusuma hiɛ.”
