Lalai 40:1-17
Kɛhã lalatsɔɔlɔ lɛ. Lala ni afo. David nɔ.
40 Mikɛ mihiɛ fɔ̃ Yehowa nɔ waa,*Ni eba etoi shi ehã mi* ni ebo mibolɔmɔ kɛhã yelikɛbuamɔ lɛ toi.+
2 Ewó mi kɛje bu kɛ emli nu lɛ mli,Kɛje ŋmɔtɔ ni shamɔɔ lɛ mli.
Ni ekɛ minaji yamamɔ tɛsaa nɔ;Ehã minaji mamɔ shi shiŋŋ.
3 Kɛkɛ ni ekɛ lala hee wo minaa,+Wɔ-Nyɔŋmɔ lɛ yijiemɔ lala.
Mɛi babaoo baakwɛ, ni amɛnaa baakpɛ amɛhe,Ni amɛkɛ amɛhiɛ baafɔ̃ Yehowa nɔ.
4 Mɔ ni kɛ ehiɛ fɔ̃ɔ Yehowa nɔNi ekɛ ehiɛ efɔ̃ɔɔ atuatselɔi loo amalelɔi anɔ lɛ yɛ miishɛɛ.
5 Ao Yehowa, mi-Nyɔŋmɔ,Kwɛmɔ nibii babaoo ni ofee,Onaakpɛɛ nitsumɔi kɛ jwɛŋmɔ ni ohiɛ yɛ wɔhe lɛ.+
Anyɛŋ akɛ mɔ ko mɔ ko ato ohe;+Kɛ́ mikɛɛ mawie he ni magba lɛ,Amɛfa fe bɔ ni abaanyɛ akane!+
6 Afɔle kɛ nikeenii lɛ osumɔɔɔ,*+Shi ogbele mitoii koni manu nii.+
Obiii shãa afɔlei kɛ esha afɔlei ashi.+
7 Kɛkɛ ni mikɛɛ: “Naa, miba.
Aŋma mihe sane yɛ wolokpo lɛ mli.+
8 Ao mi-Nyɔŋmɔ, eŋɔɔ minaa* akɛ mafee osuɔmɔnaa nii,+Ni omla lɛ yɛ mimli tɔ̃ɔ.+
9 Mijajeɔ jalɛ he sane kpakpa lɛ yɛ asafo babaoo lɛ mli.+
Naa! Mimuako minaa,+Ao Yehowa, ole enɛ jogbaŋŋ.
10 Mitsimɔɔɔ ojalɛ lɛ nɔ yɛ mitsui mli.
Mijajeɔ onɔkwayeli lɛ kɛ oyiwalaheremɔ lɛ.
Mikɛ osuɔmɔ ni tsakeee lɛ kɛ onɔkwale lɛ eteee yɛ asafo babaoo lɛ mli.”+
11 Ao Yehowa, kaajie omɔbɔnalɛ lɛ yɛ minɔ.
Buu mihe daa yɛ osuɔmɔ ni tsakeee lɛ kɛ onɔkwale lɛ hewɔ.+
12 Amanehului ni ebɔle mi lɛ fa fe bɔ ni abaanyɛ akane.+
Mitɔmɔi lɛ fa babaoo aahu akɛ minaaa gbɛ;+Amɛfa fe miyiteŋ tsɔi po,Ni mitsui efã yɛ mimli.
13 Ao Yehowa, ofainɛ ni ojɛ osuɔmɔ mli ohere mi.+
Ao Yehowa, feemɔ oya ni oye obua mi.+
14 Hã mɛi fɛɛ ni taoɔ mi agbe* lɛAhiɛ agboi ni amɛhiɛ ashwie shi.
Hã mɛi ni nyaa yɛ mimanehulu lɛ hewɔ lɛ,Ajo foi kɛ hiɛgbele.
15 Hã mɛi ni kɛɔ mi akɛ: “Ahãa! Ahãa!” lɛ
Anaa akpɛ amɛhe yɛ amɛ diɛŋtsɛ amɛhiɛgbele hewɔ.
16 Shi hã mɛi ni taoɔ osɛɛ gbɛ lɛ+Anya ni amɛmii ashɛ amɛhe yɛ ohewɔ.+
Hã mɛi ni sumɔɔ oyiwalaheremɔ nitsumɔi lɛ akɛɛ daa akɛ:
“Ajie Yehowa yi.”+
17 Shi mi lɛ, mibɛ yelikɛbualɔ, ni miiye ohia hu;Yehowa ajwɛŋ mihe.
Bo ji miyelikɛbualɔ kɛ mijielɔ;+Mi-Nyɔŋmɔ, kaatsɛ kwraa.+
Shishigbɛ Niŋmaa
^ Loo “Mito mitsui shi mimɛ Yehowa.”
^ Loo “Ni ekoto shi koni ebo mi toi.”
^ Loo “onyaaa he.”
^ Loo “miishwe.”
^ Loo “taoɔ misusuma.”
