Lalai 69:1-36
Kɛhã lalatsɔɔlɔ lɛ; akɛfɔ̃ “Lili Fɔfɔii Lɛ.” David nɔ.
69 Ao Nyɔŋmɔ, heremɔ mi, ejaakɛ nui lɛ miihe agbe mi.*+
2 Miinyɔ yɛ ŋmɔtɔ ni mli kwɔ ni shidaamɔhe bɛ mli lɛ mli.+
Miyaje nui ni mli kwɔlɔ lɛ amli,Ni faa ni miiho lɛ ebɛɛ mi kɛtee.+
3 Mibolɔ aahu etɔ mi;+Misɛ̃ŋ fɛɛ egbi.
Mi-Nyɔŋmɔ lɛ ni mimɛɔ sɔŋŋ lɛ ehã mihiŋmɛii anɔ eha.+
4 Mɛi ni mifeko amɛ nɔ ko, shi amɛnyɛɔ mi lɛ+Ayi fa fe miyiteŋ tsɔi.
Mɛi ni taoɔ mi agbe,Mihenyɛlɔi ni yitseiaŋ wala lɛ,* ayi efa.
Anyɛ minɔ koni mito nɔ ni mijuko lɛ najiaŋ.
5 Ao Nyɔŋmɔ, ole buulu ni mifee lɛ,Ni akɛ fɔ ni miyeɔ lɛ eteko bo.
6 Ao Yehowa, taiatsɛ, Nuŋtsɔ Ofe,Kaahã mɛi ni hiɛ kã onɔ lɛ ahiɛ gboi yɛ mihewɔ.
Ao Israel Nyɔŋmɔ,Kaahã mɛi ni taoɔ osɛɛ gbɛ lɛ ahiɛ shwie shi yɛ mihewɔ.
7 Ajɛɔ mi yɛ ohewɔ;+Hiɛshishwiemɔ eha mihiɛ.+
8 Mitsɔ gbɔ mihã minyɛmimɛi hii lɛ,Kɛ mɔkpɔŋ hu mihã mimami bihii lɛ.+
9 Oshĩa lɛ he hiɛdɔɔ lɛ miitso yɛ mimli tamɔ la,*+Ni mɛi ni jɛɔ bo lɛ ajɛmɔ lɛ ebakã minɔ.+
10 Be ni mihi ŋmaa* koni ona mi mɔbɔ lɛ,*Ajɛ mi yɛ no hewɔ.
11 Be ni mikɛ kpekpe fee mitade lɛ,Mitsɔ nyaŋemɔ nii* yɛ amɛhiɛ.
12 Mɛi ni taa maŋ lɛ agbó lɛ mli lɛ wieɔ mihe sane,Ni mitsɔ dãatɔlɔi adaaŋ lala.
13 Ao Yehowa, misɔlemɔ lɛ aba oŋɔɔYɛ be ni sa mli.+
Ao Nyɔŋmɔ, jɛɛ osuɔmɔ ni tsakeee ni fa babaoo lɛ mliOhere mi nɔ kɛ oyiwalaheremɔ nitsumɔi ni oyeɔ anɔkwa yɛ mli lɛ.+
14 Jiemɔ mi kɛje ŋmɔtɔ lɛ mli;Kaahã minyɔ kɛtee shishi.
Jiemɔ mi kɛje mɛi ni nyɛɔ mi lɛ adɛŋKɛ nui ni mli kwɔlɔ lɛ hu amli.+
15 Kaahã nui babaoo ni hoɔ lɛ bɛɛ mi kɛtee,+Ni kaahã nui ni mli kwɔlɔ lɛ mii mi,Ni kaahã nubu* lɛ naa ŋa ewo mi.+
16 Ao Yehowa, heremɔ mi nɔ ejaakɛ osuɔmɔ ni tsakeee lɛ hi.+
Tsɔ ohiɛ ohã mi yɛ omɔbɔnalɛ babaoo lɛ hewɔ,+
17 Ni okɛ ohiɛ akatee otsulɔ lɛ.+
Heremɔ mi nɔ oya, ejaakɛ mihao.+
18 Tsi obɛŋkɛ mi ni ojie mi;*Kpɔ̃ mi yɛ mihenyɛlɔi lɛ ahewɔ.
19 Ole jɛmɔ ni ajɛɔ mi, kɛ mihiɛgbele, kɛ mihiɛshishwiemɔ lɛ.+
Onaa mɛi ni nyɛɔ mi lɛ fɛɛ.
20 Jɛmɔ ekumɔ mitsui ni anyɛɛɛ atsa fala lɛ.*
Mitao mɔ ko ni baaye mi ŋkɔmɔ, shi mɔ ko bɛ,+Ni mitao miishɛjelɔi hu, shi minaaa mɔ ko.+
21 Amɛhã mi pɔizin* akɛ niyenii,+Ni amɛhã mi viniga akɛ minu kɛgbe kumai ni yeɔ mi lɛ.+
22 Hã okpɔlɔ ni amɛŋmɛ lɛ atsɔ tsɔne ehã amɛ,Ni nii ni amɛna lɛ hu atsɔ akpa ehã amɛ.+
23 Hã amɛhiŋmɛii anɔ awo duŋ koni amɛkana nii,Ni amɛhɛ akpokpo be fɛɛ be.
24 Fɔsemɔ omlifu* lɛ oshwie amɛnɔ,Ni omlifu ni naa wa lɛ hu anina amɛ.+
25 Hã amɛshihilɛhe* lɛ atsɔ amaŋfɔ;Mɔ ko mɔ ko akahi amɛmama tsũi lɛ amli.+
26 Ejaakɛ amɛtiuɔ mɔ ni otswa lɛ nɔ lɛ,Ni amɛyaa nɔ amɛwieɔ mɛi ni opila amɛ lɛ apiŋmɔ lɛ he sane.
27 Buu amɛ fɔ ofata fɔ ni amɛyeɔ lɛ he,Ni kaahã amɛná gbɛfaŋnɔ ko yɛ ojalɛ nifeemɔ lɛ mli.
28 Gbee amɛgbɛ́i yɛ mɛi ni hiɛ kamɔ lɛ awolo* lɛ mli,+Ni kaaŋma amɛgbɛ́i ofata jalɔi lɛ ahe.+
29 Shi mi lɛ, miina nɔ, ni miipiŋ.+
Ao Nyɔŋmɔ, okɛ oyiwalaheremɔ hewalɛ lɛ abu mihe.
30 Malá majie Nyɔŋmɔ gbɛ́i lɛ yi,Ni mikɛ shidaa baajie eyi.
31 No baasa Yehowa hiɛ fe tsinanuu,Fe tsinanuu ni yɔɔ akolontoi kɛ nanetokotai.+
32 Mɛi ni he jɔ lɛ baana ni amɛbaanya.
Nyɛ mɛi ni nyɛtaoɔ Nyɔŋmɔ sɛɛ gbɛ lɛ, nyɛwajea nyɛtsuii.
33 Ejaakɛ Yehowa boɔ ohiafoi lɛ atoi,+Ni ekwaŋ emaŋ ni aŋɔ amɛ nom lɛ.+
34 Ŋwɛi kɛ shikpɔŋ ajie eyi,+Kɛ ŋshɔi kɛ nibii fɛɛ ni tsiɔ amɛhe yɛ mli lɛ hu.
35 Ejaakɛ Nyɔŋmɔ baahere Zion+Ni ebaatswa Yuda maji lɛ ekoŋŋ,Ni amɛbaahi jɛmɛ ni ebaatsɔ amɛnɔ.*
36 Ebaatsɔ etsuji lɛ aseshibii lɛ agboshinii,+Ni mɛi ni sumɔɔ egbɛ́i lɛ baahi nɔ.+
Shishigbɛ Niŋmaa
^ Loo “nui lɛ eshɛ misusuma he.”
^ Loo “Mɛi ni nyɛɔ mi yakatswaa lɛ.”
^ Loo “eye mi.”
^ Loo “misusuma hi ŋmaa.”
^ Shishitsɔɔmɔi komɛi kɛɔ akɛ, “Be ni mifó ni mihi ŋmaa lɛ.”
^ Hebri sht. ŋm., “abɛbuu nɔ.”
^ Loo “bu.”
^ Loo “Tsi obɛŋkɛ misusuma ni obawó lɛ.”
^ Loo “ni minijiaŋ miihe aje wui.”
^ Loo “baa ni pɔizin yɔɔ mli.”
^ Loo “omlila.”
^ Loo “nsara ni afo he afabaŋ.”
^ Loo “wala wolo.”
^ Ni ji, shikpɔŋ lɛ.
