Lalai 80:1-19
Kɛhã lalatsɔɔlɔ lɛ; akɛfɔ̃ “Lili Fɔfɔii Lɛ.” Kaimɔ nɔ. Asaf nɔ.+ Lala ni afo.
80 Bo Tookwɛlɔ ni okwɛɔ Israel nɔ, bo toi,Bo mɔ ni otsɔɔ Yosef gbɛ tamɔ tooku.+
Bo mɔ ni otaa maŋtsɛ sɛi nɔ yɛ kerubim lɛ anɔ lɛ,*+Kpɛ ohã wɔ.*
2 Jiemɔ ohewalɛ lɛ kpo,+Yɛ Efraim kɛ Benyamin kɛ Manase hiɛ;Ba ni obahere wɔ.+
3 Ao Nyɔŋmɔ, okɛ wɔ ato wɔtoohe ekoŋŋ;+Ná wɔhe miishɛɛ,* koni ahere wɔyiwala.+
4 Yehowa Nyɔŋmɔ, taiatsɛ, mɛɛ be nɔŋŋ omli baafu omaŋbii lɛ kɛyashi, ni oboŋ amɛsɔlemɔ toi?+
5 Ohãa amɛyeɔ yaafonui akɛ niyenii,*Ni ohãa amɛnuɔ yaafonui babaoo fe nine.
6 Ohãa mɛi ni bɔle wɔ lɛ kɛ amɛhe béɔ yɛ wɔhewɔ;Wɔhenyɛlɔi lɛ yeɔ wɔhe fɛo bɔ ni amɛsumɔɔ.+
7 Ao Nyɔŋmɔ, taiatsɛ, okɛ wɔ ato wɔtoohe ekoŋŋ;Ná wɔhe miishɛɛ,* koni ahere wɔyiwala.+
8 Ofã wain tso+ ko yɛ Ejipt.
Oshwie jeŋmaji lɛ ni odu wain tso lɛ.+
9 Osaa he ko ohã lɛ,Ni eshishifã mɔ shi, ni eha shikpɔŋ lɛ nɔ.+
10 Ehɔɔŋ lɛ ha gɔji lɛ anɔ,Ni eniji lɛ ha Nyɔŋmɔ tseneduru tsei lɛ anɔ.
11 Eniji lɛ amli kpã kɛyashɛ ŋshɔ lɛ naa tɔ̃ɔ,Ni eshishifãi lɛ yashɛ Faa*+ lɛ he.
12 Mɛni hewɔ okumɔ wain ŋmɔ lɛ he gbogboi ni akɛ tɛi etswa lɛ,+Koni mɔ fɛɛ mɔ ni hoɔ lɛ atse enɔ yibii lɛ eko lɛ?+
13 Ŋa mli kpolotoi* lɛ kpãtãa hiɛ,Ni ŋa mli kooloi lɛ hu bayeɔ.+
14 Ao Nyɔŋmɔ, taiatsɛ, ofainɛ kuu osɛɛ.
Jɛɛ ŋwɛi oma ohiɛ shi ni okwɛ!
Buu wain tso nɛɛ he,+
15 Tso* ni oninejurɔ du* lɛ,+Ni okwɛ binuu* ni owaje lɛ ohã ohe lɛ.+
16 Afo afɔ̃ shi ni akɛ la eshã.+
Okamɔ* lɛ ehã amɛhiɛ ekpãtã.
17 Okɛ onine aye abua mɔ ni yɔɔ oninejurɔ nɔ lɛ,Gbɔmɔ bi ni owaje lɛ ohã ohe lɛ.+
18 Kɛkɛ lɛ, wɔshiŋ bo.
Baamɔ wɔyi koni wɔtsɛ ogbɛ́i lɛ.
19 Ao Yehowa Nyɔŋmɔ taiatsɛ, okɛ wɔ ato wɔtoohe ekoŋŋ;Ná wɔhe miishɛɛ,* koni ahere wɔyiwala.+
Shishigbɛ Niŋmaa
^ Shishitsɔɔmɔi komɛi kɛɔ akɛ, “yɛ kerubim lɛ ateŋ lɛ.”
^ Loo “Hã wɔna okpɛmɔ lɛ.”
^ Loo “Hã ohiɛ akpɛ yɛ wɔnɔ.”
^ Hebri sht. ŋm., “blodo.” Kwɛmɔ Wiemɔi Titrii Amligbalamɔ lɛ.
^ Loo “Hã ohiɛ akpɛ yɛ wɔnɔ.”
^ Ni ji, Yufrate Faa lɛ.
^ Loo “Batafoi.”
^ Loo “tso nine.”
^ Loo “tɛo.”
^ Loo “Wain tsoku lɛ.”
^ Hebri sht. ŋm., “Kamɔ ni jɛ ohiɛ.”
^ Loo “Hã ohiɛ akpɛ yɛ wɔnɔ.”
