Yesaia 50:1-11
50 Nɔ ni Yehowa kɛɛ nɛ:
“Ani mihã nyɛmami shwiemɔ wolo+ be ni mishwie lɛ lɛ?
Ni mɛi ni mihiɛ amɛ nyɔmɔ lɛ ateŋ namɔ mihɔ̃ɔ nyɛ mihã?
Naa! Ahɔ̃ɔ nyɛ yɛ nyɛ diɛŋtsɛ nyɛtɔmɔi lɛ ahewɔ,+Agbɛnɛ hu, nyɛ diɛŋtsɛ nyɛhe eshai lɛ ahewɔ ashwie nyɛmami.+
2 Belɛ, mɛni hewɔ mɔ ko kwraa bɛ biɛ be ni miba lɛ?
Mɛni hewɔ ni mɔ ko mɔ ko hereee mi nɔ be ni mitsɛ lɛ?+
Ani minine yɛ kuku bɔ ni enyɛɛɛ mɔ ekpɔ̃?Ni ani mibɛ hewalɛ ni mikɛbaajie mɔ?+
Naa! Mikãa ŋshɔ lɛ ni egbiɔ;+Mihãa fai tsɔɔ ŋa kpataa.+
Emli loi lɛ kpɔtɔɔ yɛ nu ni amɛnáaa lɛ hewɔ,Ni amɛgboiɔ yɛ kumai hewɔ.
3 Mikɛ duŋ haa ŋwɛii ahe,+Ni mikɛ kpekpe* feɔ mama kɛhaa amɛnɔ.”
4 Nuŋtsɔ Ofe Yehowa ehã mi nikaselɔi alilɛi,*+Koni male bɔ ni mahã mɔ ni etɔ lɛ lɛ hetoo* kɛ wiemɔ ni ja.*+
Etsĩɛɔ mi daa leebi;Etsĩɛɔ mitoi koni ebo toi tamɔ nikaselɔi anɔ.+
5 Nuŋtsɔ Ofe Yehowa egbele mitoiiaŋ,Ni mitseee atua.+
Midɔɔɔ mihe kɛyaaa sɛɛ.+
6 Mikɛ mikotosɛɛ hã mɛi ni yiɔ mi lɛNi mikɛ mikpaii hu hã mɛi ni famɔɔ tsɔi lɛ.*
Mikɛ mihiɛ hu eteee hiɛgbejianii kɛ lajɔ̃.+
7 Shi Nuŋtsɔ Ofe Yehowa baaye abua mi.+
No hewɔ ni mihiɛ eshwieee shi lɛ.
No hewɔ ni mifee mihiɛ tamɔ tɛ ni wa lɛ,+Ni mile akɛ mihiɛ gboŋ.
8 Mɔ ni buɔ mi jalɔ lɛ bɛŋkɛ.
Namɔ baanyɛ awie ashi mi?*+
Hã wɔ fɛɛ wɔte shi wɔdamɔ shi.*
Namɔ yɔɔ sane ko yɛ mihe?
Hã eba mihiɛ.
9 Naa! Nuŋtsɔ Ofe Yehowa baaye abua mi.
Namɔ baabu mi fɔ?
Naa! Amɛ fɛɛ amɛbaafite* tamɔ atade.
Abɛi* baaye amɛ.
10 Nyɛteŋ namɔ sheɔ Yehowa gbeyeiNi eboɔ etsulɔ lɛ gbee toi?+
Namɔ enyiɛ duŋ kpii ni la ko kwraa kpɛɛɛ kɛhãaa lɛ lɛ mli?
Ekɛ ehiɛ afɔ̃ Yehowa gbɛ́i lɛ nɔ, ni ekɛ ehe afɔ̃ e-Nyɔŋmɔ lɛ nɔ.*
11 “Naa! Nyɛ mɛi fɛɛ ni nyɛshɛreɔ la,Ni nyɛhãa la kpɛlɛɔ,Nyɛnyiɛa nyɛ diɛŋtsɛ nyɛla lɛ kpɛmɔ lɛ mli,Yɛ nyɛla kpɛlɛmɔ ni tsoɔ lɛ mli.
Nɔ ni nyɛbaaná yɛ midɛŋ nɛ:
Nyɛbaakamɔ shi yɛ piŋmɔ ni naa wa mli.
Shishigbɛ Niŋmaa
^ Kpekpe ni atsɔɔ yɛ biɛ lɛ ji mama ko ni bei pii lɛ akɛ kooloo hetsɔi feɔ. Abuɔ be mli ni aaye awerɛho.
^ Shishitsɔɔmɔi komɛi kɛɔ akɛ, “bɔ ni mawaje mɔ ni etɔ lɛ lɛ.”
^ Hebri sht. ŋm., “kɛ wiemɔ ko.”
^ Loo “ehã mi lilɛi ni atsɔse lɛ jogbaŋŋ.”
^ Loo “mɛi ni famɔɔ tsɛŋshi tsɔi lɛ.”
^ Loo “baanyɛ ekɛ mi ataa naa.”
^ Loo “Hã wɔkpe hiɛ kɛ hiɛ.”
^ Loo “amɛbaasuu.”
^ Ni ji, abɛi henɔ ko ni fiteɔ mama.
^ Loo “ekɛ ehe akpasa e-Nyɔŋmɔ lɛ.”
