1. Okɛ o-Nyɔŋmɔ anyiɛ daa

Yɛ heshibaa diɛŋtsɛ mli.

Okɛ ohiɛ afɔ̃ Yehowa nɔ.

Hã ewaje bo daa gbi.

Hiɛmɔ anɔkwa Wiemɔ mli waa,

No hãŋ ofee esha.

Hã Nyɔŋmɔ atsɔɔ bo gbɛ daa.

Bo lɛ toi, ba ohe shi.

2. Okɛ o-Nyɔŋmɔ anyiɛ daa;

Hã ojeŋba he atse.

Ebaahã odamɔ kai fɛɛ anaa,

Ebaaye ebua bo daa.

Nibii ni sa yijiemɔ diɛŋtsɛ,

Ni ji anɔkwale,

Nomɛi ahe osusu daa;

Yehowa baajɔɔ bo waa.

3. Okɛ o-Nyɔŋmɔ anyiɛ daa;

Lɛ ji o-Naanyo kpakpa.

Jiemɔ hiɛsɔɔ kpo ni oda lɛ shi

Yɛ ejrɔ ni efeɔ he.

Okɛ Nyɔŋmɔ anyiɛ; ná miishɛɛ,

Lá waa kɛjie eyi.

No baahã mɛi ana akɛ

Yehowa ji o-Nyɔŋmɔ.