Onia ni aŋkroaŋkroi ni ji Yehowa Odasefoi jɛɔ amɛsuɔmɔ mli amɛtsuɔ lɛ ji nɔ titri ni wɔkɛtsuɔ wɔjeŋ muu fɛɛ nitsumɔ lɛ. a Akɛ oniatsumɔ adekai mamɔɔ hei srɔtoi ni wɔfeɔ wɔkpeei lɛ, ni atsɔɔ gbɛi krokomɛi yɛ wɔwɛbsaiti lɛ nɔ ni abaanyɛ atsɔ nɔ atsu onia. Atsɔɔ gbɛi srɔtoi nɛɛ koni mɔ ni baasumɔ ni etsu onia lɛ atsɔɔ kɛji eetsu onia lɛ kɛmiifi jeŋ muu fɛɛ nitsumɔ lɛ sɛɛ, eetsu kɛmiihã esafo lɛ, loo eetsu kɛmiihã fɛɛ.

 Abiii ni aŋkroaŋkroi ni ji Yehowa Odasefoi awo mlijaa nyɔŋma, loo ni amɛkɛ amɛshika ni amɛnáa lɛ mli mlijaa pɔtɛ̃ɛ ko abahã. (2 Korintobii 9:7) Yɛ wɔkpeei srɔtoi lɛ fɛɛ eko shishi lɛ, wɔheee kɔlɛshiŋ, ni wɔheee mɔ ko shika dani ebote kpeehe lɛ, ni kɛ́ wɔsafoŋ onukpai lɛ baptisi mɔ ko, amɛhã yara wiemɔ, amɛhã yookpeemɔ wiemɔ, loo amɛsɔmɔ yɛ wɔjamɔŋ nifeemɔi krokomɛi lɛ ashishi lɛ, amɛheee mɔ ko shika. Wɔtsɔɔɔ havɛst kɛ amɛhenɔi lɛ, henaabuamɔi kɛhã hiɛtserɛjiemɔ, kɛ asɔshwɛmɔ loo nibii ni tamɔ nakai anɔ wɔtaooo shika wɔhãaa asafo lɛ. Atswaaa mɛi ni tsuɔ onia loo amɛhãa nibii kɛfiɔ wɔnitsumɔ lɛ sɛɛ lɛ ahe adafi. (Mateo 6:2-4) Atswaaa nibii ahe adafi kɛyeee jara yɛ wɔbɛsaiti lɛ nɔ loo wɔwoji kɛ nibii lɛ amli.

 Daa nyɔɔŋ lɛ, Yehowa Odasefoi asafo fɛɛ asafo bɔɔ shika abɔ ni aná yɛ nyɔɔŋ lɛ mli, kɛ nibii ni akɛtsu lɛ he amaniɛ yɛ kpeei ni amɛfeɔ ni mɔ fɛɛ mɔ nyɛɔ ebaa eko lɛ shishi. Yɛ be kɛ beiaŋ lɛ, atoɔ gbɛjianɔ kɛkwɛɔ asafo fɛɛ asafo shika he amaniɛbɔi lɛ amli, no ji afeɔ ɔdit kɛkwɛɔ akɛ aakwɛ oniai ni mɛi tsuɔ lɛ anɔ jogbaŋŋ lo.​—2 Korintobii 8:20, 21.

•   Oniatsumɔ adekai: Obaanyɛ okɛ shika loo tsɛɛki awo oniatsumɔ adekai ni yɔɔ Maŋtsɛyeli Asai anɔ, Kpee Asai ashishi, loo hei krokomɛi ni wɔfeɔ wɔkpeei lɛ yɛ lɛ amli.

•   Oniatsumɔ yɛ Intanɛt lɛ nɔ: Yɛ maji pii anɔ lɛ, obaanyɛ oya wɔ-Wɛbsaiti lɛ nɔ fã ni ji “Tsu Onia Ohã Yehowa Odasefoi” lɛ koni otsɔ credit cards, debit cards, bank transfers, loo ilɛtrɔnik gbɛi krokomɛi anɔ otsu onia. b Yehowa Odasefoi komɛi eto gbɛjianɔ, ni daa nyɔɔŋ lɛ ‘amɛkɛ nɔ ko toɔ’ ni amɛtsɔɔ gbɛi ni atsɔɔ nɛɛ eko nɔ amɛtsuɔ onia.​—1 Korintobii 16:2.

•   Nibii ni atsɔ hiɛ atoɔ he gbɛjianɔ kɛkeɔ asafo lɛ: Oniatsumɔ gbɛi komɛi biɔ ni atsɔ hiɛ ato he gbɛjianɔ, loo abi mla naa ŋaawoo. Gbɛjianɔtoo tamɔ nɛkɛ baanyɛ ahã oná too komɛi ni awoɔ yɛ maŋ ni oyɔɔ nɔ lɛ he sɛɛ. Aŋkroaŋkroi pii ekane nibii ni atoɔ he gbɛjianɔ akɛkeɔ be ni ayɔɔ wala mli loo be ni agbo sɛɛ lɛ he saji, ni amɛná he sɛɛ waa. Ofainɛ, kɛ́ ootao okɛ nibii ni nyiɛ sɛɛ nɛɛ eko atsu onia loo okɛke lɛ, okɛ Yehowa Odasefoi anitsumɔhe nine ni yɔɔ omaŋ lɛ mli lɛ agba he sane:

  •   bank accounts

  •   insurance and retirement plans

  •   stocks and bonds

  •   wills and trusts

 Kɛ́ ootao ole oniatsumɔ gbɛi ni akɛtsuɔ nii yɛ he ni oyɔɔ lɛ, yaa wɔ-Wɛbsaiti lɛ nɔ fã ni ji “Tsu Onia Ohã Yehowa Odasefoi.”