Areru 11:1-7
Te kaetieti nakon te mataniwi n te anene. Ana areru Tawita.
11 I boni kamanoai iroun Iehova.+
Mangaia ae ko kangaa n taekina ae kangai nakoiu:
“Birinako n aron te mannikiba nakon am maunga!
2 Nora aroia aomata aika buakaka aika katauraoa aia kainikatebe,A kaaki kanoan aia kainikatebe i aoni karain te kainikatebe,Bwa a na katebeia man te rotongitong akana eti nanoia.
3 Ngkana e a uruakaki aan te kateitei,*Ao tera ae a kona ni karaoia akana raoiroi?”
4 E mena Iehova n ana tembora ae tabu.+
E mena ana kaintokanuea Iehova i karawa.+
A taratara matana, ao e tirobaeia natiia aomata matana aika taratara raoi.*+
5 E nenera te aomata ae raoiroi Iehova ao te aomata ae buakaka,+E* riribaa ane e tangira te iowawa.+
6 E na kabwakai bwaai ni kamwane* n ai aron te karau i aoia akana buakakaAe te ai ma te burimton*+ ao kanoan aia mwangko bon te ang ae korakora kabuebuena.
7 Bwa e raoiroi Iehova,+ ao e tangiri mwakuri aika raraoi.+
A na nora ubuna* aomata aika raoiroi.+
Taiani Kabwarabwara Mai Nano
^ Ke, “aan te kaetitaeka ae riai.”
^ Ke, “aika tokatoka.”
^ Ebera, ne’phesh, nora Nanon Taeka.
^ Ke tao, “mwaakaro n ai.”
^ Nora Nanon Taeka.
^ Ke, “akoaki irouna.”
