Areru 14:1-7
Te kaetieti nakon te mataniwi n te anene. Ana areru Tawita.
14 E taku i nanona te aomata ae nanobaba:*
“Akea Iehova.”+
A kamwara aia mwakuri ao a riribaaki baika a karaoi.
Akea temanna ae karaoa ae raoiroi.+
2 Ma e baraaki Iehova mai karawa n taraiia natiia aomata,Bwa e na noria bwa iai te aomata ae iai ana ataibwai ke akea, ao iai ae e ukoukora Iehova ke akea.+
3 A bane n rairakinako,+A bane n titeboo aroia ae a babakanikawai,Akea temanna ae karaoa ae raoiroi,Bon akea naba temanna.
4 Te koaua bwa bon akea aia ataibwai taani kakaraoa ae bure?
A kabwautiia au aomata kaanga ai aron ae a kana te kariki.
A aki wetea Iehova.
5 Ma a na kaonaki n te maakunrang ae korakora,+Bwa e memena Iehova i buakon te roro ae raoiroi.
6 Kam kataia ni kamangaoi ana babaire te aomata ae mangori ngkami aika taani kakaraoa ae bure,Ma Iehova bon ana tabo ni kamanomano.+
7 E bia roko kamaiuan Iteraera mai Tion!+
Ngkana e ikotiia ni kaokiia ana aomata aika taenikai Iehova,Ke e kimwareirei Iakoba, ao ke e kakatonga Iteraera.
Taiani Kabwarabwara Mai Nano
^ Ke, “aki ataa ae riai.”
