Areru 17:1-15
Ana tataro Tawita.
17 Ongo au bubutii ibukin te kaetitaeka ae riai, ngkoe ae Iehova,Kakauongo nakon tangiu ni kani buokaki,Ongora n au tataro ae I taekinna n akea te mwamwanaa te aba.+
2 Ko bia karaoa te moti ae riai ibukiu,+A bia nora te bwai ae eti matam.
3 Ko nenera nanou ao ko tuoai n te tairiki,+Ko kaitiakai*+Ao ko na noria bwa akea te bwai ae buakaka ae I a tia ni baireia,Ao e aki bure wiu.
4 Ao ibukini ngkanne aia mwakuri aomata,I kararoaai mani kawaia taani kamwarua ni kaineti ma ana taeka riam.+
5 Ke a teimatoa mwanekau i nanoni kawaim,Bwa a aonga n aki tatanako waeu.+
6 I weweteiko ibukina bwa ko na kaekaai,+ ngkoe ae te Atua,Katanimaia taningam nakoiu.* Ongora n au taeka.+
7 Kaota am tangira ae koaua* n te aro ae kamimi,+Ngkoe ae te tia Kamaiuia te koraki ake a ukoukora kamanoaia i angaataim,Mairouia te koraki ake a karitei nakoim.
8 Kawakinai n aron ataeini matam,+Karabaai n nuuni baim ni kiba.+
9 Kawakinai mairouia aomata aika buakaka aika ekainako,Mairouia akana kairiribai nakoiu aika mamate aika otabwaniniai.+
10 A a riki bwa aomata aika akea aia nanoanga,*Aika a taetae ni kainikatonga ni wia.
11 A a tutukira ngkai,+Ao a tataraa te tai ae angaraoi ae a na kabwakaira* iai.
12 Bon ai aron te raian ngaia, ae ingainga bwa e na raebitia konana,N ai aron te raian ae ataei ae kakaran.
13 Ko na teirake ngkoe ae Iehova, bwa ko na kaitaraa+ ao ni kabwakaa,Kamaiuai n am kabaang mairouia akana buakaka.
14 Kamaiuai ni baim ngkoe ae Iehova,Mairouia mwaanen te aonnaba* aei, ae mena tibwaia n te maiu aei,+Ake te koraki ake ko kaonia ni baika raraoi aika ko katauraoi,+Ao ake a katikui tibwangaia ibukia natiia mwaane aika bati.
15 Ma ni kaineti ngkanne ma ngai, N na nora ubum ibukina bwa I raoiroi,Ao e rau nanou ngkai I uti i matam.*+
Taiani Kabwarabwara Mai Nano
^ Te taeka n Ebera ikai e kaineti nakoni kaitiakani biiti ngkana a kabuekaki bwa a na ran.
^ Ke, “Ko na baraaki n ongora.”
^ Ke, “tangira ae kona n onimakinaki.”
^ Ke, “A otabwaniniaki n oini mwaremwareia.”
^ Ke, “a na karenakoira nako aontano.”
^ Ke, “te waaki ae ngkai i aon te aba.”
^ Ke, “nora buram.”
