Areru 66:1-20
Te kaetieti nakon te mataniwi n te anene. Te areru. Te anene.
66 Takarua n tokanikai nakon te Atua, ngkami ni kabane kaain te aonnaba.+
2 Anene n neboa* arana ae mimitong.
Ao anganna te neboaki ma te karaoiroaki.+
3 Kangai nakon te Atua: “Ai kamimira ma ni kakamaaku am mwakuri nako!+
A na kui ni kerikaaki mai mwaim+ akana kairiribai nakoim,Ibukini korakoram ae bati.
4 A na bane kaain te aonnaba ni bobaraaki nakoim,+A na anene n neboiko,A na anene n neboa aram.”+ (Tiera)
5 Nakomai ao nori ana mwakuri te Atua.
A kamimi ma ni kakamaaku baika e karaoi nakoia natiia aomata.+
6 E bita taari nakon te tano ae mwau,+A nakonako n rinanon te karaanga nakon iterana are teuana.+
Ti kimwareirei irouna ikekei.+
7 E tautaeka n aki toki+ ni mwaakana.
A tarataraiia natannaomata matana.+
Ao a aki riai ni karietataia i bon irouia akana imanono.+ (Tiera)
8 Karaoiroa Atuara ngkami aika botannaomata,+Ao ke e ongoraeaki karongoaani karaoiroana.
9 E kateimatoai maiura,*+Ao e aki kariaia bwa a na tatanako waera.*+
10 Bwa ko a tia n tuoira ngkoe ae te Atua,+Ao ko kaitiakira n ai aroni kaitiakan te tirewa.
11 Ko kairira nako nanon te karaun,Ao ko katokaa i aora te uota ae rawawata.*
12 Ko kariaia te aomata ae mamate bwa e na biri riaora,*Ti rinanon te ai ao te ran,Ao imwina, ko kairira nakon te tabo ni kabebetenano.
13 N na roko n am auti ma karea ni kabuekaki aika bwanin,+Ao N na kakororaoi au taeka ni bau nakoim+
14 Ake e beritan riau+Ao ake e taekini wiu ngke I rawawata.
15 N na anga nakoim karea ni kabuekaki aika maan aika kamarikaaki,Ma bubuni karea aika tiibu mwaane.
N na kareani kaao mwaane ma kooti mwaane. (Tiera)
16 Nakomai ao ongora, ngkami aika kam maaka te Atua,Ao N na tuangingkami baike e karaoi ibukiu.+
17 I weteia ni wiu,Ao I neboia n neweu.
18 Ngkana I kaikoikoa te iowawa i nanou,Ao e na bon aki ongo Iehova irou.+
19 Ma e bon ongo te Atua,+Ao e kakauongo raoi nakon au tataro.+
20 E na karaoiroaki te Atua ae aki rawa nakon au tataro,Ke n taua mairou ana tangira ae koaua.*
Taiani Kabwarabwara Mai Nano
^ Ke, “Katangitang nakon.”
^ Ebera, ne’phesh, nora Nanon Taeka.
^ Ke, “turatura; tatanako.”
^ Ebera, “i aoni bebeera.”
^ Ebera, “riaon atura.”
^ Ke, “tangira ae kona n onimakinaki.”
