Areru 79:1-13
Ana anene Ataba.+
79 Te Atua, a ninia abam+ natannaomata,A kamwaraea am tembora ae tabu,+A karika Ierutarem bwa te kaawa ae urubekebeke.+
2 A anga rabwataia am toro aika mate bwa kanaia mannikiba ake i annangAo irikoia am aomata aika kakaonimaki ni koaua, nakoia manin te aonnaba aika tiritiri.+
3 A kabwaroa raraaia n aron te ran i Ierutarem ni kabutaa,Ao akea ae e tiku bwa e na taunia.+
4 Ti a riki bwa te bwai ni kabuakakaaki irouia kaain rarikira,+Ao a bwainingareira ma ni kakanikoira te koraki ake a otabwaninira.
5 Iehova, e na maanra marakin nanom ae korakora? N aki toki?+
E na maanra n urarake unim n aron te ai?+
6 Kabwaroa bonon nanom i aoia natannaomata ake a aki ataiko,Ao i aoia tautaeka n uea ake a aki taboa aram.+
7 Bwa a ninia Iakoba,Ao a kamaroaea abana.+
8 Tai bukinira n aia kairua ara bakatibu.+
Ko na waekoa n nanoangaira,+Bwa ai akea korakorara.
9 Buokira ngkoe ae te Atua ae ara tia kamaiu,+Ibukin aram ae mimitong,Kamaiuira ao kabwarai* ara bure ibukin aram.+
10 E aera ngkai a riai ni kangai natannaomata: “E nga Atuaia?”+
Ke e ataaki i buakoia natannaomata i mataraAe e irantangaaki katutuan raraaia am toro.+
11 Ko bia ongo ikenrawan te aomata ae te bure.+
Kabongana mwaakam ae korakora* ni kamaiuia* te koraki ake a motikaki taekaia bwa a na kamateaki.*+
12 Katuuaaeia kaain rarikira itiua riki te tai,+Ibukin aia kakaniko nakoim, ngkoe ae Iehova.+
13 Ao ngaira aika am aomata ma tiibun am tawaana,+Ti na kakaitau nakoim n aki toki,Ao ti na tataekina karaoiroam man te rorona nakon te rorona.+
Taiani Kabwarabwara Mai Nano
^ Ebera, “rabuni.”
^ Ebera, “anganibaim.”
^ Ke tao, “kainaomataia.”
^ Ebera, “natin te mate.”
