Areru 91:1-16
91 Ane e maeka n ana tabo ae raba Teuare Moan te Rietata,+E na maeka i aan nuun Teuare Moan te Mwaaka.+
2 N na kangai nakon Iehova: “Bon au tabo ni kamanomano ngkoe ao au nono,+Ao Atuau ae I onimakinna.”+
3 Bwa e na kamaiuko man ana bwai ni kamwane te tia kamwaneia mannikiba,Ao man te aoraki ae kamamate ae kamauna te aba.
4 E na kamanoko* ni baina,Ao ko na kamanoko i aani baina ni kiba.+
E na riki ana kakaonimaki+ bwa te otanga ae bubura+ ao te oo ni kamanomano.
5 Ko na aki maakui bwaai ni kakamaaku n te bong,+Ke kanoan te kainikatebe ae kibakiba n te ngaina,+
6 Ke te aoraki ae kamamate ae nanakonako n te roo,Ke te kamaunanakoaki ae urubwai n te tawanou.
7 A na bwaka tenga i rarikim,Ao tebwina tenga i angaataim,Ma akea te bwai ae buakaka ae e na kaaniko.+
8 Ko na tii noria ni matam,Ngkana ko nora katuuaaeaia* akana buakaka.
9 Ibukina bwa ko kangai: “Bon au tabo ni kamanomano Iehova,”Ko karika Teuare Moan te Rietata bwa am tabo ni maeka.*+
10 Akea te kabuanibwai ae e na bwakariko,+Ao akea te rekenikai ae e na kaania am umwanrianna.
11 Bwa e na mwiokoiia ana anera ibukim,+Bwa a na kawakiniko i nanoni kawaim ni kabane.+
12 A na uotiko ni baia+Bwa e aonga n aki toki waem n te atibu.+
13 Ko na toubeka te raian ae ataei ao te naeta ae te kaobura,Ko na toutoua i aani waem te raian ae e a ikawai ao te naeta ae bubura.+
14 E taku te Atua: “Ibukina bwa iai tatangirau* irouna, ao N na kamaiua.+
N na kamanoa ibukina bwa e ataa arau.+
15 E na weteai ao N na kaekaa.+
N na mena i rarikina n tain te rawawata.+
N na kamaiua ao N na karietataa.
16 N na katoka nanona n te maiu ae abwabwaki,+Ao N na kariaia bwa e na nori au mwakuri ni kakamaiu.”*+
Taiani Kabwarabwara Mai Nano
^ Ke, “tuka kawaram.”
^ Ebera, “karekeani kaia.”
^ Ke tao, “nono; tabo ni kamanomano.”
^ Ebera, “e kanimmwa ma ngai.”
^ Ke, “nora te kakamaiu mairou.”
