A bati aika a kakorakoraia ni karekei baike a kainnanoi ibukini maiuia ni katoabong. Ma e a kakaiaki riki aei imwini kangaanga aika rangi ni bati n te aonnaba aei. Bukin tera?

• Ngkana a riki kangaanga aika rangi ni bati n te tabo teuana, a a bon irakeaki naba booni bwaai n aron te amwarake ao auti.

• E kona te aoraki ae butinako ni karikirakea akean te mwakuri ni kareketianti, ke kerikaakini booia taan tia mwakuri.

• A kona kabuanibwai aika karina ni karuanikaia ke n urui aia bitineti aomata, mwengaia ke bwaai riki tabeua. Ibukin aei, a a bati aika maiu ni kainnano.

• Ngkana ko kabongana raoi am mwane ma te wanawana, ane ko na bon tauraoi riki imwaini kabuanibwai aika korakora.

• Ururingnga bwa e kona n aki manena am karekemwane, am karini mwane ao am bwai riki tabeua.

• Iai baika aki kona n reke n te mwane, n aron te kukurei ao te katiteuanaaki n te utu.

Te Bae Taekinna te Baibara: “Ngkana iai kanara ma kunnikaira, ao a na rau nanora ni baikai.”—1 Timoteo 6:8.

Ibukini karekean te raunnano, ti riai ni kukurei ni baika iai iroura ake ti kainnanoi ibukini maiura. Ai moarara riki ngkana e a rotakibuaka ara karekemwane.

Kabebetea riki maium ibukini karekean te raunnano. E na bati riki am kangaanga ngkana ko kakabooi baika bobuaka.