Biblə maakwɛli pələi ɉɛɓɛi ŋɛi hu, pələi ya pɛli dɔlɔ kulɔi la kpɔ a neelee
Mo nuta ɓa ə ə́ kalan : Nui ɉɛɓɛi ŋɛi tɛɛ ə́ pɔ, Biblə kalanŋaa hu hwɛli ma awala kɛtii Biblə kalanŋaa hu hwɛli ku wɔ kwɛli yɛlii jw.org.
GƆWƆTƆƆI
Balagalafəɠaa ɓo da gɛɛmaalənŋaai bɛɛn a hɛɓɛkɔu ɲɛikulaa (A) ə ma kɛ vɛlisɛɛɠaai (B) da pa giliŋahiɛ walawalaɠaa mɛi. Ə́ kili lɛɛ ɉu yɛ́ ma vɛlisɛɛ taɠaa kaa laa a kɛ pɛɛn ni bulu “ ɓo. ”
ɈAMAI
Yii bɛɛn (C) Ə́ wɔ mɛni kɔlɔnŋaa ta pɛlɛ ma kɔwɔ mu, giliŋahiɛɠaai pai naa pulu a ɉukulɔ. Yii nono kaa pai kɛi a vilɛnŋaa ma, mɛiwoo pɛlɛɛɠaa (D) da dawolo ɓo. Vɛlisɛɛɠaa ɓo, kɛɛmaalənŋaa mukulɔ ə lɛɛ ə́ vidioɠaa kaa (E).
Ə́ ɲɛi hee votoɠaa hu ə ma kɛ ɉɛɓɛɠaai pɛɛn ni gwɛlɛ(F). Gɛɛmaalən ŋɛi pɛɛn ni ɓɛi gaa laa nutaɠaa da kɛ kɛi ma (G) Ə́ kiliŋahiɛ pələi ya pɛli mukulɔi la.
NAAKULƆI
Ɲaakwɛlɛi tɔnɔ laa a kulɔ a yii gu galan da nɛɛ ə́ kili pɔ (H). Voloi ka kpɛɛ la a ɲaakwɛlɛi ta, bɛɛn. Yii maanɛɛ ə́ gɛ (I) a kólóɠaa tɛɛ ə́ pɔ yii yaan ə́ gɛ. Ɓɛi gaa laa pɛɛn ni Mɛni takpɛliɠaa (J) a mɛni takpɛliɠaa maamɛni ɓo, diɛi ya kɛ bɔ ə́ di kaa.
Pələi ya pɛli vɛlisɛɛ kwɛlii la ə́ wɔ Biblə hu
Ɉɛɓɛ yili (A) ɲaakwɛlɛi (B) da nwookpuɔ awala kɛtii da nwookpuɔɠaa (C) diɛ ɓə da Biblə ŋɔ vɛlisɛɛɠaa lɛ. Gɔɔmaa ka, Ɉaan 17:3 yili mukulaa ɓaa Ɉaan ŋɔ hɛɓɛ ɲaakwɛlɛi 17 nwookpuɔ 3.
