Akɛ ka Zehova ŋɔ Kəla ta ka kɛ Biblə kalan ɉii, ya kɛ kiɛ naalowai lɛɛ tɔwɔ, yɛ́ ə́ kpɔɔ kpɛtɛ yili maa mɛni ɓa. Bələ lɔ ɓə maanɛɛ ə́ gɛ la yɛ́ təɠa pa ŋaakpɔn ma, akɛ ə́ kaa bɔ ə́ ɉu mɛinɛɛ hɔlɔɓo. Yii vialaɓoɔ, ya ɓaa ə́ lowai lɛlɛɛ həɠə ɉu ə́ kpɔɔ kpɛtɛ mɛni ɓa.

Lowai lɛlɛɛ da kɛɛnaa lɛlɛɛ həɠə ɉu ə́ kpɔɔ kpɛtɛ mɛni ɓa. Lowai ləkɛɛ ɓə ya pɛli hɛɓɛ kalan ɉii la a nɛlɛɛ ? Yələ wala pɔ yɛ́ təɠa pa kóló kɔwɔtɔɔi ? Awala kɛtii yələ wilii pɔ, neapɛlɛɛ laa pulu ? Ə́ wɔ kalan gɛi lowai həɠə ɉu, ə ma kɛ ɉu ho kwea li. Ho mɛni ta lɛɛlaa ho ɉu kala. Kɛɛnaa ta kwɛli, ɓɛi naa kɔlɔ haa ma. Aladio, tələfɔnə, tələviziɔn, da a kɛ ə́ kwɛlɛ ə́ ɲaayɛɛ. Yálá hwɛli yɛ́ təɠa pa galan gɛi, yili a ə́ wɔ liihɛlɛnŋaa kulɔ yɛ́ galan gɛi lowai, ə lɛɛ ə́ kili ə lɛɛ galan gɛɛnaa. — Filipə 4:6, 7.

Miliin naa maaləngɛɠaa mukulaaɠaa mu, ə gɛ ya li ŋaakpɔn ma yɛ́ maaləngɛɠaa tii ta mukulɔ. Ə́ ɲɛi pili toloo ɉɛɓɛ naa kəlee, yii ɉɛɓɛ kaa moi yɛ́ pɛli ɲaakaai. Ə́ kiliŋahiɛ ɉɛɓɛ ŋɔ tiitɛlɛ ɓa, awala kɛtii ɉɛɓɛ ɲaakwɛlɛi ŋɔ tiitɛlɛ. Yii tiitɛlɛ pɛlɛɛ kaa moi yɛ hwilɛn na tiitɛlɛ kɛnɛ ɓa, ə́ kiliŋahiɛ nwɔnɔ yili ɓa. Votoɠaa maakpɛɛ a nɛlɛɛ, ə́ maaləngɛɠaa ɓo, diɛi di mukulaaɠaa kaa ɉɛɓɛ hu. Yili pulu palagalafəɠaa ɓo tɛi-tɛi. Ya dɔnɔ ɓo, ə́ ŋɔ maaləngɛ mukulaa kwɛli. Vɛlisɛɛɠaai di kaa palagalafə tii hu, kɛ di ɓoi, yii di kaa moi yɛ hwilɛn na ɉɛɓɛ hu woo ɓa, ə́i kiliŋahiɛ ma (Túwɔ́ pələ 17:11). Ya maaləngɛ mukulaa kɔlɔn, miliin naa mu, ə gɛ naa kili ə too ə́ ŋa ŋaakpɔn gɛi lowai. Akɛtii, ya pɛli ə́i yee tɛ ə́ maaləngɛ mukulɔ.

Mɛniɠaa da kɛ galan ɉii lɔwɔ ɓa, ya kɛi di maakpɛɛ a nɛlɛɛ, ə́ kaa pai kiliŋahiɛ ninɛɠaa pɛlɛi ə́ wɔ mɛni kɔlɔnŋaa ɓa, yii hwilɛn na Biblə ɓa. — Matie 13:51, 52.

• Lowai ləkɛɛ ɓə ya pɛli ɉəɠəi ɉu ŋaakpɔnŋaa tɔwɔ pɛli mɛni ɓa ?

• Ya ə́ kpɔɔ kpɛtɛ ləi, ə gɛ ə́ maaləngɛ mukulɔ ŋaakpɔn ma ?