Nu tamaa di hwa yiihu li kalan ma, maahɔlɔɓo di hwa kilaapono hɔlɔɓo laa yɛ hwilɛn na Yálá ɓa, ə lɛɛ nwɔnɔ di hwa liilaa hɔlɔɓo laa. Lə mɛni ɓa ya pɛli pai Zehova ŋɔ Kəlaɠaa di wɔ ŋaakpɔnŋaa diɛ ? Lə ɓə ya pɛli ɉɔlɔɓoi laa ?

Kwəinɛɛ yii a hɔlɔɓo wɛlikɛmaa nua lowai. Zesu haa pulu, Kilistalea ɲaakwɛlɛɛ kɛ kalangbɔnŋaa hu. Di kɛi li ŋaakpɔnŋaa diɛ, ə gɛ diɛ kwɛli hwilɛn Yálá ɓa, diɛ Yálá lawoo kalan, ə lɛɛ diɛ di kee ni hwaŋalɔ (Hebulu 10:24, 25). Da li kɛ di wɔ ŋaakpɔnŋaa diɛ, da wɛlikɛmaa kpɔkpɔ hɔlɔɓo laa, maahɔlɔɓo di kɛ a nan nonnii tɔnɔn, diɛ ɓəlan naa leelee kɛ, diɛ di kee ni maa liihɛlɛn ɉee (Tesalonikə veelɛnaa 1:3 ; Záán ɉaaɓanaa 14). Ku hwilɛnŋaa di pɔɔ ŋa, ə lɛɛ yili a kwəinɛɛ tɛɛ ku pɔ yɛ pələi lɔ di wɛi ə kɛ la.

Kalan gɛ pələ yii a nu maakwɛli Biblə ŋɔ tɔn nwooɠaa pɔ tuwɔ ɓoɔ ɓa. Yɛ pələi Biblə a mo la, toloo toloo, hinaa, nɛaa ə lɛɛ leapɛlɛɛ di kɛi di ŋaakpɔn diɛ Yálá lawoo kalan. Kuɔ kpɛli, kwa kɛ ku ŋaakpɔn ɉii, kalan gɛ nua wɛlɛɛɠaa diɛ Biblə kalan kuɔ, ə lɛɛ diɛ bɔ tuwɔ ɓo pələ lɛ kuɔ (Detelonɔmə 31:12, TMN ; Nehemiya 8:8, TMN). Nu kəlee a pɛli ŋɔ laana laa lɛi a maaləngɛ mukulaa, awala kɛtii wələ toɔ. — Hebulu 10:23.

Ə́ wɔ laana laa kaa pai kɛnɛi. Apɔtɛlɛ Pɔli ə mo Rɔmu kalan nea diɛ, yɛ diɛ : “ Yii kpɔ nwɛli kaa máá, ya ɓaa ŋá pa ŋá ɲɛi tɔɔ kaa [...] ə gɛ gu gu kee ni hwaŋalɔ. Ka wɔ laana laa ə váŋalɔ, ŋɔ́ laana laa ə kaa kpɛlima ka hwaŋalɔ. ” (Rɔmu 1:11, 12). Kuɔi ɓaa Zehova ŋɔ Kəlaɠaa, ku kɛ mɛni ku kee ɓa kɛlɛ-kɛlɛ a ku wɔ laana laa ta pɛlɛma, kuɔ tɔɔ kpaan ku wɔ kilistalon naa hu.

Ya pɛli pai ku wɔ ŋaakpɔnŋaa diɛ, ə gaa yɛ́ kpinii, pələi ya pɛli mɛinɛɛɠaa tii ta hɔlɔɓoi la. Ku kaa pai ə́ laakwiɛn ɉii a nɛlɛɛ. Wali hala mɛni ho ku wɔ ŋaakpɔnŋaa diɛ.

• Gbɛɛ nua ɓə kwa di pɔɔ kɔɔn yii hwilɛn na ku wɔ ŋaakponŋaa kɛ mɛni ɓa ?

• Lə ɓə ku wɔ ŋaakpɔnŋaa da dɛɛ ku pɔ ?