A moitas persoas cústalles amar a Deus porque pensan que é misterioso, distante ou ata cruel. Fíxate no que algunhas persoas din:

• “Aínda que lle pedía axuda a Deus, sentía que estaba moi lonxe de min, que era inaccesible. Víao como algo abstracto e sen sentimentos” (Marco, Italia).

• “Quería servir a Deus, pero parecíame que estaba moi lonxe de min. Considerábao un Deus severo que só quere castigarnos. Non cría que nos amase” (Rosa, Guatemala).

• “Cando era unha nena cría que Deus só se fixaba nos nosos erros para castigarnos. Despois empecei a velo como alguén distante, coma un primeiro ministro que goberna sen preocuparse pola xente” (Raymonde, O Canadá).

Ti que pensas? É imposible amar a Deus? Os cristiáns levan séculos facéndose esta pregunta. De feito, na Idade Media a maioría das persoas non oraba a Deus. Por que? Porque lle tiñan medo. O historiador Will Durant di: “Como podía un simple pecador atreverse a dirixir as súas pregarias a un trono tan afastado e terrible?”.

Que levou a xente a ter unha opinión así de Deus? Que ensina realmente a Biblia? Sería máis doado querelo se soubésemos a verdade sobre el?