Fíxate no que se publicou recentemente sobre algúns líderes relixiosos importantes e a guerra en Ucraína:

•   “O líder da Igrexa Ortodoxa Rusa, o patriarca Kirill, non dixo unha palabra en contra da agresión de Rusia. [...] A campaña sistemática de propaganda da súa igrexa sobre Ucraína é algo que Putin está usando para xustificar a guerra” (EUobserver, 7 de marzo de 2022).

•   “O patriarca Kirill [...] deixou moi claro que xustifica a invasión de Ucraína por parte do seu país ó describir o conflito como parte dunha loita contra o pecado” (AP News, 8 de marzo de 2022).

•   “O luns, o líder da Igrexa Ortodoxa Ucraína, Epifanio I, metropolita de Kiev, bendiciu o seu pobo para que ‘loitase contra os invasores rusos’ [...]. Tamén afirmou que matar soldados rusos non é pecado” (Jerusalem Post, 16 de marzo de 2022).

•   “Nós [o Consello de Igrexas e Organizacións Relixiosas de Ucraína (UCCRO)] apoiamos as forzas armadas de Ucraína e a tódolos que están loitando por defender o noso país, dámoslles a nosa bendición na defensa que fan de Ucraína do inimigo e oramos por eles” (Declaración do UCCRO a, 24 de febreiro de 2022).

 Ti que pensas? Deberían as relixións que afirman seguir a Xesucristo animar os seus fieis a ir á guerra? Que di a Biblia?

A historia da relixión na guerra

 A historia demostra que a miúdo as relixións consentiron, xustificaron e incluso promoveron a guerra coa escusa de que o facían pola paz. Por décadas, as testemuñas de Xehová denunciaron semellante hipocrisía relixiosa. Estes son algúns exemplos:

•   O artigo “Las cruzadas: ‘trágica ilusión’” explicou como a Igrexa Católica Romana foi responsable dos masacres que se cometeron no nome de Deus e de Cristo.

•   O artigo “La Iglesia Católica y África” mostra un exemplo de como a relixión fracasou á hora de evitar as guerras entre tribos e incluso os xenocidios.

•   Os artigos “¿Tiene la culpa la religión?”, “El papel de la religión en las guerras” e “La religión toma partido” explican como os clérigos católicos, ortodoxos e protestantes apoiaron ambos bandos en moitas guerras.

Deberían as relixións cristiás apoiar a guerra?

 O que ensinou Xesús: “Amara-lo teu próximo coma a ti mesmo” (Mateo 22:39). “Amade os vosos inimigos” (Mateo 5:44-47).

 O que dixo Xesús: “O meu reino non é deste mundo; se deste mundo fose, os meus oficiais loitarían para que ninguén me entregase” (Xoán 18:36). “Tódolos que levan espada pola espada perecerán” (Mateo 26:47-52).

 Pensa nisto: Se os cristiáns non tiñan que loitar nin sequera para protexer a Xesús, deberían ir á guerra por algunha outra razón? Le o artigo “El cristianismo y la guerra: ¿son compatibles?” para ver como os primeiros cristiáns fieis seguiron o exemplo de Xesús e as súas ensinanzas.

Que lles pasará ás relixións que promoven a guerra?

 A Biblia ensina que Deus rechaza as relixións que afirman representar a Xesús pero non seguen o que el ensinou (Mateo 7:21-23; Tito 1:16).

•   O libro da Apocalipse mostra que Deus considera responsables a estas relixións pola morte “de tódolos que foron asasinados na terra” (Apocalipse 18:21, 24, TNM). Por que razón? Le o artigo “¿Qué es Babilonia la Grande?”.

•   Xesús indicou que tódalas relixións que Deus rechaza serán destruídas por todo o mal que fixeron. Comparounas a unha árbore que produce froito podre. Dela dixo: “Córtase e bótase no lume” (Mateo 7:15-20). Para ver como vai suceder isto, le o artigo “¡Se acerca el fin de la religión falsa!”.

Créditos das imaxes, de esquerda a dereita: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images.