Ami Jehovak manvotat toslim magnnim kortat tednam, amchim magnnim Jehovak, devmondirant sodanch bhettoilʼlea pormollit dhumpa sarkim zaunk pavtat. (St. 141:2) Ami Jehovacho kitlo mog kortat, taka kitlim upkari asat, amkam kosle uske ani itsa asat tem ami taka sangtat, toxench ami tachem margdorxon magtat tednam tache sangata asloli amchi ixttagot kitli moladik tem ami dakhoitat. Hem khorem, ki mittingechea survatek ani xevottak kortat tim lhanxim magnnim amchea bhoktecho mhotvacho bhag mhunn Jehova lekhta. Punn ami khub vell porian amchea svotachea magnneant, amchea kallzant kitem asa tem Jehovak ukteponnim sangtat tednam to khub khuxal zata! —Mho. 15:8.

MAGNNEM—MHOJEA JIVITACHO EKDOM MHOTVACHO BHAG, HO VIDEO POLLOIAT ANI UPRANT HEA PROSNANCHE ZOBAB DIAT:

• Bhav Johnson-ak Jehovache sevent kosle sueog asle?

• Magnnea udexim bhav Johnson Jehovacher koso patieun ravlo?

• Bhav Johnson-achea onubhovantlean tumi kitem xiklim?