“COVID-19 pidda atam sonvsarbhor na tem khorem, punn sonvsarbhorchea lokank tacho kosloch dhoko na oxem ami chintchem nhoi . . . Fuddarak koslem-na-koslem pandemic ietolem ani tea pasot ami toiar ravonk zai.”— Dr. Tedros Adhanom Ghebreyesus, director-general of the World Health Organization, May 22, 2023.

 COVID-19 piddek lagon zaitea zannanchi bholaiki ani mansik poristhiti bigddot asa. Tor fuddem anik ek pandemic ailem zalear, sorkar ani lokanchea bholaikechi kallji gheupi songotton, tacho fuddo korunk pavtolim kai, ani aiz amchi bholaiki duensam thaun samballunk te modot korunk pavtole kai?

 Bible eka oslea sorkara vixim sangta zo amchi bholaiki samballunk goroz tem soglem ditolo. Thoim sangta ki “sorgincho Dev kednanch bhosm zaun vechem na toslem ek raj sthaptolo.” (Daniel 2:44) Hea rajea vo sorkara khala “ravpi konnuch ‘apunn boro na mhonn’ sangcho na.” (Izaias 33:24) Sogleank bori bholaiki astoli ani tornattponnar aslolem boll tankam astolem.—Job 33:25.