Hi poristhiti polloi: Heather ani Mike eka-mekak vollkhonk laglear, fokot don mhoine zaleat. Punn Heatherak dista ki tim khub tempa thaun eka-mekak vollkhotat. Tim eka-mekak sodanch mobilacher messageo dhaddttat ani fonacher khub voram uloun vell sartat. Tim eka-mekachim chintnam borim somzotat. Punn Mike anik fuddem vochonk sodhta.

Gel’lea don mhoineant Mike ani Heather-an eka-mekachea hatak dhorlam ani thodde pavtt kiss-ui kela. Heather-ak hache fuddem vochonk naka. Punn tem Mike-a lagim apli ixttagot moddunk sodhinam, karonn Mike taka khub boro korta. Tem apleakuch mhunntta, ‘Hanv ani Mike mogan asat, tor . . .’

Zor tuji pirai dating korpa sarki asa, tum Heather-achea zagear aslear kitem korta aslem?

Tum gravity-chea kaidea add vochon, rukhacher choddon uddi marta zalear tacho porinnam tum zannanch! Bible sangta, “Kamchar [pozoddponn NW] tumi pois korcho.” (1 Tesalonikekarank 4:3) Tor Devachea hea kaidea add gelear amkam tacho porinnam bhogunk poddttoloch.

Devacho ho kaido moddlear kitem porinnam zata? Bible sangta, “Pozoddponn kortat tim aplech kuddicher add patok kortat.” (1 Korintkarank 6:18) Hem koxem?

 Sodh korpeam pormonnem, zaitim tornnattim jim kazara poilinch sex kortat tankam, fuddem dakhoileat tosle, ek na tor chodd porinnam bhogunk poddttat.

• DUKH-KHONT. Choddxim tornnattim, zannim kazara poilim sex kelem tim mhunnttat ki toxem kelem mhunn tankam uprant khont bogli.

• DUBHAV. Kuddicho sombond vo sex korun zatoch dor eklo chint’ta, ‘Mhojea bhair hea cheddean vo cheddvan anik konnam lagim sex kelam kai?’

• DOK’KHO BOSTA. Aplo faido gheta toslo nhoi, punn apnnak samballttolo toslo cheddo mellom mhunn zaitim cheddvam axetat. Ani choddxe cheddeank oslim cheddvam magir titlim avoddnant jim poilinch tanchea lagim kuddicho sombond dovortat.

• Gorjecho mud’dho: Kazara poilinch tum sex-achea tallnnent poddlear, tum tujem moladik ankvarponn sanddun diun, tuzo resped hogddaita. (Romkarank 1:24) Tujea kuddik kochro koso korinaka!

“Kamchar [pozoddponn NW] . . . pois” korun dakhoun di ki tum ek holkem cheddum nhoi mhunn. (1 Tesalonikekarank 4:3) Fuddarak, tum kazar zata zalear sex-acho sompurnn sontos tujean gheunk zata. Tednam tuka kosloch usko, khont vo bhirant aschina ji kazara adim sex kortat tankam asta.—Mhonn’nneo 7:22, 23; 1 Korintkarank 7:3.

• Zo munis khoreanich tuzo mog korta, to tuji kudd vo tujim bhavnam dokheant ghaltolo kai?

• Zo munis khoreanich tuji kallji gheta, to Deva thaim tuji ixttagott piddear korunk tuka tallnnent ghaltolo kai?—Hebrevank 13:4.