Tü nüshajalakat Mateo 1:1-25
1 Tü karaloʼuta nüchikimaajatkat Jesucristo, chi nüchonkai David,* chi nüchonkai Abrahán.
2 Abrahán nüshi Isaac,Isaac nüshi Jacob,Jacob nüshi Judá namaʼaleeya na nuwalayuukana.
3 Judá nüshi Pérez otta Zérah, Tamar sünülia tü neikat.Pérez nüshi Hezrón,Hezrón nüshi Ram.
4 Ram nüshi Aminadab,Aminadab nüshi Nahsón,Nahsón nüshi Salmón.
5 Salmón nüshi Boaz, Rahab sünülia tü niikat.Boaz nüshi Obed, Rut sünülia tü niikat.Obed nüshi Jesé.
6 Jesé nüshi David, chi aluwataashikai.
David nüshi Salomón, shia niika tü nuʼwayuusekat Urías.
7 Salomón nüshi Rehoboam,Rehoboam nüshi Abías,Abías nüshi Asá.
8 Asá nüshi Jehosafat,Jehosafat nüshi Jehoram,Jehoram nüshi Uzías.
9 Uzías nüshi Jotán,Jotán nüshi Acaz,Acaz nüshi Ezequías.
10 Ezequías nüshi Manasés,Manasés nüshi Amón,Amón nüshi Josías.
11 Josías nüshi Jeconías namaʼaleeya na nuwalayuukana. Tia wanaapünaajatü sümaa namaanüin na judíokana chaa Babiloniamüin.
12 Jeconías nüshi Sealtiel,Sealtiel nüshi Zorobabel. Tia soʼujatü chajanain naya Babilonia.
13 Zorobabel nüshi Abiud,Abiud nüshi Eliaquim,Eliaquim nüshi Azor.
14 Azor nüshi Sadoc,Sadoc nüshi Aquim,Aquim nüshi Eliud.
15 Eliud nüshi Eleazar,Eleazar nüshi Mattán,Mattán nüshi Jacob.
16 Jacob nüshi José, chi suʼwayuusekai María, tü niikat Jesús, chi Cristo münakai.
17 Nünainjee Abrahán nünainmüinreʼeya David, eeshii poloo pienchimüin nutuushinuu Jesucristo. Nünainjee David sünainmüinreʼeya namaanüin na judíokana Babiloniamüin, eeshii poloo pienchimüin nutuushinuu otta soʼujee namaanüin na judíokana Babiloniamüin nünainmüinreʼeya Cristo, eeshii poloo pienchimüin nutuushinuu.
18 Anuu tü alatakat süpülapünaa joʼuuin Jesucristo. Achuntuushi María tü niikat Jesús nutuma wanee wayuu kanüliakai José. Shiasaʼa süpülapünaa kasaalüin nia sümaa, ipuotkalaka María sükajee tü nüpülainkat Maleiwa.
19 Wayuu loto akuwaʼipachi José chi suʼwayuusekai María, müsüjeseʼe nnojoluin nücheküin süpüleerua shiʼrüinjatüin japülii. Nuuʼulaweeka shia ojuunaa.
20 Shiasaʼa süchikijee jülüjain naaʼin tia, niʼraka nüʼlapüinruʼu wanee aapiee nümaʼanajeejachi Jehová* sümaa nümüin nümüin: «José nüchonkai David, nnojo mmoluin pia saaʼu pümaainjatüin María chaa pipialuʼumüin, süka jamüin, chi joʼuu yalakai akumajaain süleʼeruʼu sükajeejatü tü nüpülainkat Maleiwa.
21 Jemeyuleerü shia nümaa wanee joʼuu otta Jesúinjatü nünülia putuma, süka nieechin ayuʼluin na israelitakana saʼakajee naainjala».
22 Alatüsiaʼaya tia süpüla shikeraajüinjatüin tü nümakat Jehová* paala nükajee chi nünüikimaajachikai wanaa sümaa nümüin mayaa:
23 «Ipuoleerü tü majayütkat, jemeyuleetkalaka shia, shiʼitaaneetkalaka nünüliain chi joʼuukai Emmanuel», «eeshi Maleiwa wamaa» maluʼulu tia.
24 Shiasaʼa nüchijiraapa José, naainjainjaʼaya tü nümakat chi aapiee nümaʼanajeejachikai Jehová* jee nümaakalaka tü nuʼwayuusekat nipialuʼumüin.
25 Waneʼereeya nüinkaain sümaa süchikijee jemeyuluin shia. Jesús nünülia chi joʼuukai nutuma.
Noota
^ Pünaʼla tia suluʼu tü kanüliakat «Jamaluʼulu pütchikat».
^ Pünaʼla tia suluʼu tü kanüliakat «Sooʼomüin pütchi A5».
^ Pünaʼla tia suluʼu tü kanüliakat «Sooʼomüin pütchi A5».
^ Pünaʼla tia suluʼu tü kanüliakat «Sooʼomüin pütchi A5».
