Karaloʼuta nüshajalaka Santiago 4:1-17
4 ¿Kasa jütkaaka jee jüʼülüjiraaka atuma? ¿Aashin shiain sutuma tü suchuntaakat jiʼiruku?
2 Suchuntaain jaaʼin wanee kasa nnojotpejeʼe eeyaain wanee kasa jümaʼana. Ayatüsia ülüttüin jaaʼin* sünain wayuu otta ayatüsia kachiiruain jaaʼin naata kakorotshi, nnojotpejeʼe juuntuin tü keeʼireekat jaaʼin. Ayatüshiʼiya jia atkaajiraain jee aʼülüjiraain. Nnojotsü kasain jümaʼanain süka matüjain jia achuntaa nümüin Maleiwa.
3 Juchuntule nümüin Maleiwa nnojoleerü aapünüin jümüin tü juchuntakat, jama shiain juchuntuin eeʼiree jaaʼinrüin kasa mojusü jee jaaʼinrüin tü kasa suchuntaakat jiʼiruku.
4 Nnojoishii jia oonooin waneepia nümüin Maleiwa, ¿nnojotsüjasaʼa jütüjaain saaʼu mojujiraajeenain jia nümaa Maleiwa aleewale jia namaa na wayuu manoujainsaliikana? Chi wayuu aleeweekai namaa na wayuu manoujainsaliikana, paʼünüüwajiraajeechi nümaa Maleiwa.
5 ¿Amülataale neʼe jaajüin tü pütchi ashajünakat suluʼu tü Karaloʼuta Nüchikimaajatkat Maleiwa, tü makat mayaa: «Achunjashii waya sutuma tü waaʼinkat, naata neʼe tü kasa suchuntawaikat waaʼin sutuma»?
6 Kamaneeshi maʼin chi Maleiwakai, anuujeseʼe tü ashajünakat suluʼu tü Karaloʼuta Nüchikimaajatkat: «Nnojotsü talatüin naaʼin Maleiwa namaa na wayuu yaletakana aaʼin, amülialaapejeʼe naaʼin naalin na wayuu nnojoliikana yaletüin aaʼin».
7 Shiakalaka anain aluʼu jüüjüüle jia nümüin Maleiwa, ayoutajaainjanapejeʼe jia sümaa tü nümakat chi Yolujaakai, nuʼuneechika juulia.
8 Jürütkaa nünainmüin Maleiwa, nürütkaajeechika jünainmüin, maa juʼlojokai saaʼin jajapü jia kaainjaraliikana jee wuleinjatü jaaʼin jia wainmajakuʼu makana aaʼin.
9 Mojuinjatü maʼin jaaʼin otta aʼyalajüinjana jia. Nnojotsü anain jüsirajüle, shia anaka aluʼu jiʼyalajüle, nnojotsü anain talatüle jaaʼin, shia anaka aluʼu mojule jaaʼin.
10 Nnojo yaletüin jaaʼin nuʼupala Jehová,* kojuteenaka jia nutuma.
11 Tawalayuwaa, anashii juuʼulaale suulia mojuin jünüiki namüin na juwalayuukana. Chi wayuu mojukai anüiki nüchiki wanee nuwala jee niyoujale nia, mojusüjaʼamata nünüiki süchiki tü nuluwataakalü anain Maleiwa otta nnojotsü anain tia pütchikat naashin. Mojulejeʼeya pünüiki süchiki tü nuluwataakalü anain Maleiwa, nnojoishijaʼamata oonooin pia sümaa tia pütchikat, müichipa pia maʼaka naaʼin wanee laülaashi kasalajanakai atuma saainjala wayuu.
12 Niaʼala neʼe Maleiwa eʼitaaka shikii tü aluwataanakalü anain otta nia kasalajanaka atuma saainjala wayuu. Niaʼala neʼe eeka süpüla katüin atuma soʼu wayuu jee niaʼala neʼe eeka süpüla ajaʼttiraleeinña wanee wayuu. ¿Jamakaʼa piyoujataalaka wanee puwala?
13 Jaapaja tanüiki jia wayuu makana anüiki: «Soʼukai jee shiale wattaʼa, oʼuneena waya suluʼumüin tü mma makalü anülia, chainnaʼaya waya soʼu wanee juya, oikaajeena waya jee wainmeetkalaka nneerü wakanain».
14 Müsü jünüiki mayaainjeʼe nnojoluin jütüjaain saaʼu jameerüin jukuwaʼipa waneemüin kaʼi. Müshii jia maʼaka saaʼin mannuuya, motsomüin neʼe eein shia jee nnojorülaʼa müsü.
15 Shiapejeʼe anain aluʼu müle jünüiki: «Kateerü woʼu shialejeʼeya nücheküin tia Jehová* wapüleerua, waaʼinreetkalaka tüü jee shialejeʼeya tü makat».
16 Yaletapejeʼe jaaʼin süka juʼwaataain suluʼu jukuwaʼipa, nnojotsü anain juʼwaataale suluʼu tia.
17 Nütüjaale wanee wayuu saaʼu tü kasa eekai anain sümaa nnojoluin naaʼinrüin shia, kaainjalashi nia suluʼujee tia.
Noota
^ Pünaʼla tia suluʼu tü kanüliakat «Sooʼomüin pütchi A5».
^ Pünaʼla tia suluʼu tü kanüliakat «Sooʼomüin pütchi A5».
