«Nüshajakalaka Moisés süpüshuaʼaleʼeya tü nümakat Jehová nümüin».

Éxodo 24:4

«Nüʼlapüjaakalaka Daniel nutuma Maleiwa süpüla niʼrüinjatüin waneirua kasa nü’lapüinru’u. Nüshajakalaka süpüshuaʼa tü kasa niʼrakat nü’lapüinru’u».

Daniel 7:1

«Müsüjeseʼe waapüin analuʼut waneepia nümüin Maleiwa, jama jaapaain sümaa tü nünüikikat, tü waküjakat jümüin. Nnojotsü jaapaain amaa shia süka sünüikin shia wayuu, jaapaa amaalü shia süka nünüikin shia Maleiwa, tü anuu jooluʼu akaalinjain jia anoujashiikana».

1 Tesalónica 2:13

«Nümaʼanajeejatü Maleiwa süpüshuaʼa tü Karaloʼuta Nüchikimaajatkat, anasü shia süpüla ekirajaa».

2 Timoteo 3:16

«Nnojotsü süküjairüin wayuu sülatajatüin wanee kasa, oʼuninna akuwaʼipachii naya nutuma Maleiwa sükajee tü nüpülainkat, naküjainnakalaka süchiki tü nümakat chi Maleiwakai».

2 Pedro 1:21