Nüküjain Jesús eejeenain wayuu anoujeekana nünain Maleiwa aapaakana sümaa tü pütchi shiimainkat naapaiwaʼaya shia (Juan 10:4, 27). Waashajaapa namaa na wayuukana shia waküjeeka namüin tü pütchi shiimainkat suluʼu mapüleein shia namüin. Anasü müle pünüiki sünain asakiraa naya: «¿Pütüjaa aaʼu . . . ?» jee müle pünüiki «¿Paapüirü süchiki tüü . . . ?». Süchikijee tia, paashajeʼera tü wetsiikulo aashajaakat süchiki tü pütchi püsakirakalü anain. Püküjale tü pütchi shiimainkat sümüin wayuu, meerü piʼitaakai saaʼin tia suluʼu saaʼin jee miyoʼujeerü tia nutuma Maleiwa (1 Cor. 3:6, 7).

•  Tü kasa eejeetkat mapeena

•  Wapüshi

•  Maleiwa

•  Oʼuraajaa

•  Jesús

•  Aluwataainjachi Maleiwa

•  Müliaa

•  Outaa

•  Sunoujaka anain wayuu

 TÜ KASA EEJEETKAT MAPEENA

1. 1. Sükajee weʼrüin tü kasa alatakat maaʼulu jee tü sukuwaʼipakat wayuu, wayaawata aaʼu eejeerüin tü kasa alatajatkat mapeena (Mat. 24:3, 7, 8; Luc. 21:10, 11; 2 Tim. 3:1-5).

2. 2. Nnojotsü ajaʼttinnajatüin tü mmakat (Sal. 104:5; Ecl. 1:4).

3. 3. Aneerü tü mmapaʼakat süchikuaʼa (Is. 35:1, 2; Apoc. 11:18).

4. 4. Nnojoleerü eein ayuulii, aneerü wayuu süpüshuaʼa (Is. 33:24; 35:5, 6).

5. 5. Kepieechi pia waneepia saaʼu tü mmakat (Sal. 37:29; Mat. 5:5).

 WAPÜSHI

1. 6. Chi wayuu eekai kaʼwayuusein, alinjatü nüpüla nuʼwayuuse maʼaka alin nia nüpülajiraa (Éf. 5:33; Col. 3:19).

2. 7. Tü wayuu eekai kaʼwayuusein, kojutuinjachi maʼin sümüin suʼwayuuse (Éf. 5:33; Col. 3:18).

3. 8. Nnojotsü kawalaʼatainjatüin nuʼwayuuse wanee wayuu nutuma, akaʼaya tü wayuu eekai kaʼwayuusein nnojotsü saaʼinrajatüin tia (Mal. 2:16; Mat. 19:4-6, 9; Heb. 13:4).

4. 9. Aneerü nakuwaʼipa na tepichi oonookana sümaa sünüiki nei jee nünüiki nashi otta kojutule naya namüin (Prov. 1:8, 9; Éf. 6:1-3).

 MALEIWA

1. 10. Kanüliashi chi Maleiwakai (Sal. 83:18; Jer. 10:10).

2. 11. Eesü wanee pütchi anasü maʼin nüküjaka Maleiwa wamüin (2 Tim. 3:16, 17; 2 Ped. 1:20, 21).

3. 12. Lotusü nukuwaʼipa Maleiwa jee nnojotsü koʼuin nukuwaʼipa (Deut. 10:17; Aluw. 10:34, 35).

4. 13. Nükaalinjeein waya Maleiwa (Sal. 46:1; 145:18, 19).

  OʼURAAJAA

1. 14. Nücheka achikit Maleiwa woʼuraajüin nümüin (Sal. 62:8; 65:2; 1 Ped. 5:7).

2. 15. Aküjünüsü suluʼu tü Bibliakat jamüinjatüin wanüiki woʼuraajapa (Mat. 6:7-13; Luc. 11:1-4).

3. 16. Oʼuraajüinjana waya waneepia (Mat. 7:7, 8; 1 Tes. 5:17).

 JESÚS

1. 17. Ayatayülia anain wakuwaʼipa sutuma tü pütchi nikirajakalü anain waya Jesús, chi Atüjakai maʼin Ekirajaa (Mat. 6:14, 15, 34; 7:12).

2. 18. Nüküjatüjülia achiki Jesús tü kasa alatakat maaʼulu (Mat. 24:3, 7, 8, 14; Luc. 21:10, 11).

3. 19. Nüchon Maleiwa Jesús (Mat. 16:16; Juan 3:16; 1 Juan 4:15).

4. 20. Nnojoishi niain Jesús chi Maleiwa Pülashikai maʼin (Juan 14:28; 1 Cor. 11:3).

 ALUWATAAINJACHI MALEIWA

1. 21. Nüikaleʼerüin Maleiwa wanee sukuwaʼipa aluwatawaa chaa sirumatuʼu (Dan. 2:44; 7:13, 14; Mat. 6:9, 10; Apoc. 11:15).

2. 22. Niainjachi Aluwataaka Maleiwa najaʼttirapa tü sukuwaʼipakalü aluwatawaa sutuma wayuu (Sal. 2:7-9; Dan. 2:44).

3. 23. Ajaʼtteerü sümüliala wayuu nuluwataapeena Maleiwa (Sal. 37:10, 11; 46:9; Is. 65:21-23).

 MÜLIAA

1. 24. Nnojoishi niain Maleiwa müliain atuma wayuu (Deut. 32:4; Sant. 1:13).

2. 25. Nia aluwataaka Satanás naaʼu na manoujainsaliikana (Luc. 4:5, 6; 1 Juan 5:19).

3. 26. Niʼrüin Maleiwa sümüliala wayuu jee nükaalinjeein shia (Sal. 34:17-19; Is. 41:10, 13).

4. 27. Najaʼttireerü Maleiwa sümüliala wayuu (Is. 65:17; Apoc. 21:3, 4).

 OUTAA

1. 28. Nnojotsü kasain natüjaain aaʼu na outushiikana jee nnojoishii müliain naya (Ecl. 9:5; Juan 11:11-14).

2. 29. Nnojoishii süpüla nakaalinjain waya na outushiikana jee nnojoishii süpüla jamajüin waya natuma (Sal. 146:4; Ecl. 9:6, 10).

3. 30. Asoʼiraajeerü naaʼin na wapüshi eekai outuin (Job 14:13-15; Juan 5:28, 29; Aluw. 24:15).

4. 31. «Nnojoleerü outaa» (Apoc. 21:3, 4; Is. 25:8).

 SUNOUJAKA ANAIN WAYUU

1. 32. Nnojotsü talatüin naaʼin Maleiwa sümaa süpüshuaʼa tü sunoujakalü anain wayuu (Jer. 7:11; Mat. 7:13, 14, 21-23).

2. 33. Mojusü nümüin Maleiwa piamale suʼupünaa wayuu (Is. 29:13; Miq. 3:11; Mar. 7:6-8).

3. 34. Aijiraashii maʼin na wayuu shiimainkana anoujain nünain Maleiwa (Miq. 4:3; Juan 13:34, 35).