¿Eeshiche süpüla piʼraajüin Maleiwa?
Watta naalii na wayuu anoujakana nünain Maleiwa naashin, shiasaʼa nasakinnapa süchiki jaralin chi Maleiwakai, naatayaa müsü tü naküjakat süchiki jaralin nia. Eeshii na anoujakana sünain müliain wayuu nutuma saaʼujee saainjala. Eetaashii na anoujakana sünain anamiain nia sümaa motuin naaʼin saainjala wayuu jaʼitasü kasain saaʼinrüin. Otta eeshii na anoujakana sünain nnojoluin kasajanain naya nümüin Maleiwa süka wattain nia noulia. Sünainjee naatawalin tü sümakat wayuu nüchiki Maleiwa, eesüjaʼa jülüjale paaʼin nnojoleechin piʼraajüin nia.
¿Jamüshi piʼraajüinjachika Maleiwa? Piʼraajüinjachi nia süpüla talatüinjatüin paaʼin (Aluwataaushikana [Hechos] 17:26-28). Aijeechi pia nüpüla Maleiwa pürütkaale nünainmüin otta nükaalinjeechi pia (Santiago 4:8). Piʼraajüle nia, eesü süpüla katüin poʼu waneepia (Juan 17:3, TNM).
¿Kasa paaʼinrajatka süpüla piʼraajüin Maleiwa? Jamüshijaʼa aleewale pia nümaa wanee wayuu, piʼraajüin kasaichin nünülia, jamüin nukuwaʼipa, kasain kamalain nümüin, kasain niyoutuin, kasain naaʼinrapuʼuin otta kasain naaʼinreein amüin. Aleewashijaʼa maʼin pia nümaa sünainjee piʼraajüin maʼin nukuwaʼipa.
Piʼraajeechi Maleiwa müleka pütüjaale saaʼu tü sümakat pütchikalüirua tüü:
Tü münakat sünain rewiisütakat tüü, süpülajatü pütüjaain saaʼu tü sümakat tü Wiwüliakat süchiki tia pütchikalüirua, pütüjaajeerü aaʼu jaralin chi Maleiwakai otta jamüin aneetka pukuwaʼipa aleewale pia nümaa.
Eesüjaʼa kamalainjeerüle pümüin aashajeʼeraa tüü
AAPIRIA WAYUU
¿Kasaichi nünülia Maleiwa?
¿Pütüjaa aaʼu niain neʼe Maleiwa nümüiwaʼa chi kanüliakai Jehová?
