UNESCO Declaración de principio y Tolerancia 1995-pe heʼi: “Jarrespetáramo umi ótro opensa ha oiko lája añoite ikatúta jaiko pyʼaguapýpe”.

 Ndajarrespetáiramo umi ótro opensáva ha ojapóva jajúma ñanefanátiko ha ndajachaʼéi ñande rapicháre. Umi hénte ndorrespetái jave hapichápe oñepyrũma iñeʼẽ arhél, oapoʼi ótrope ha iviolénto.

 Péro umi hénte oreko diferénte opinión ko témare, algúno opensa jaapoja vaʼerãha enterovépe tahaʼe haʼéva la opensáva ha oiko lája. Ótro katu oreko enkuénta la Biblia heʼíva, ke káda uno oreko derécho odesidívo mbaʼépa ogueroviáta ha mbaʼépa ojapóta. Haʼekuéra orrespeta káda uno odesidíva noĩriramo jepe de akuérdo la ogueroviávare hikuái.

 ¿Ikatúpa la Biblia oipytyvõ umi héntepe orrespeta hag̃ua umi ótro opensa ha oiko lája?

¿Mbaʼépa heʼi la Biblia ko témare?

 La Biblia ohechauka jarrespeta vaʼerãha umi ótro opensa ha oiko lája. Por ehémplo Filipenses 4:5-pe heʼi: “Enterove toikuaa napeñemohatãiha peẽ pejévapente”. La Biblia ñanemokyreʼỹ ñaneamávle, ñanembaʼeporã ha ñandehústo hag̃ua umi ótrondi. Umi osegíva umi konsého omeʼẽva la Biblia ndahaʼéi siémpre oĩtava de akuérdo umi ótro odesidívare, péro oheja káda uno odesidi la ojapótava.

 La Bíbliape jatopa mbaʼéichapa Ñandejára oipota jaiko. Por ehémplo heʼi: ‘Ñandejára omombeʼu porã ndéve mbaʼépa la iporãva’ (Miqueas 6:8). Upéicha jahecha Ñandejára oipotaha ñande javyʼa ha jadisfruta ñande rekovépe (Isaías 48: 17, 18).

 Ñandejára ndoipotái ñande jahusga umi ótrope. Upévare la Biblia heʼi: “Peteĩnte oĩ Omeʼẽva pe léi ha haʼéva Hués, [...] ¿Péro nde piko máva rehusga hag̃ua nde rapichápe?” (Santiago 4:12). Ñandejára omeʼẽ káda únope pe liverta odesidi hag̃ua mbaʼépa ojapóta, ha káda uno ñaiméta rresponsávle la jadesidívare (Deuteronomio 30:19).

¿Heʼípa la Biblia jarrespeta vaʼerãha umi ótrope?

 La Biblia heʼi: “Perrespetákena entéro yvypórape” (1 Pedro 2:17). Umi ohejáva la Biblia ogia chupekuéra orrespeta opaichagua persónape tahaʼe haʼéva la ogueroviáva ha oiko lája (Lucas 6:31). Upéva ndeʼiséi haʼekuéra omoporãtaha opaichagua kreénsia, opinión térã kondúkta umi hénte orekóva. Ndeʼiséi avei oikotaha oapoja hikuái entéro mbaʼe umi ótro odesidíva. Péro ndahaʼéi upe haguérente haʼekuéra oikótava ijarhél ni otrata vai hapichápe, síno oñehaʼãmbaite siémpre osegi hikuái Jesús ehémplo otrata porãvo enterovépe.

 Por ehémplo peteĩ vuéltape, Jesús oikuaa peteĩ kuñakarai orekóvape ótro rrelihión. Ko kuñakarai oiko peteĩ kuimbaʼe ndahaʼéivandi iména. Ha Jesúspe g̃uarã naiporãiete pe kuña oiko lája, upéicharõ jepe oñeʼẽ mborayhúpe ha orrespeta chupe (Juan 4:9, 17-24).

 Péicha avei, umi kristiáno oĩ preparádo oexplika hag̃ua umi mbaʼe ogueroviáva oĩ jave oporandúva térã oikuaaséva álgo. Péro ojapo upéva hikuái pyʼaguapýpe porãnte ohechaukávo orrespetaha ipyʼaite guive umi ótrope (1 Pedro 3:15). La Biblia heʼi ndovaleiha jaovliga umi ótrope opensa hag̃ua ñande ñapensaháicha. Ha heʼi avei umi kristiáno “natekotevẽi oñorairõ avavéndi, síno tekotevẽ imbaʼeporã enterovéndi”. Upéva heʼise otrata porã vaʼerãha avei umi orekóvape ótra kreénsia (2 Timoteo 2:24).

¿Mbaʼépa heʼi la Biblia pe ódiore?

 La Biblia heʼi: “Peñehaʼã siémpre peiko pyʼaguapýpe enterovéndi” (Hebreos 12:14). Peteĩ persóna oikoséva pyʼaguapýpe omboykete pe ódio. Upeichagua persóna oñehaʼãmbaite oiko pyʼaguapýpe enterovéndi, péro ni mbaʼevéicharõ ndojapomoʼãi mbaʼevete ohóva la Biblia kóntrape (Mateo 5:9). La Biblia omokyreʼỹ voi kristianokuérape ohayhu hag̃ua iñenemígope. Ha oĩramo otrata vaíva chupekuéra, oñehaʼã hikuái siémpre iñamávle hendivekuéra (Mateo 5:44).

 Siérto, la Bíbliape heʼi oĩha kósa Ñandejárape “ndogustaietéva” ha “ombojeguarúva” voi chupe. Péro, ¿heʼisépa upéva Ñandejára omoñeñanduvaiha umi héntepe térã oapoʼiha algúnope? (Proverbios 6:16-19). Nahániri, pórke la Biblia heʼi Ñandejárape ‘ndogustaieteha’ térã ‘ombojeguaruha’ umi kondúkta vai orekóva jepi la hénte. La Biblia ohechauka avei Ñandejára oĩha dispuésto operdonávo ha oipytyvõvo umi hénte okambiasévape ikondúkta vai (Isaías 55:7).

Umi téxto bíblico ohechaukáva jarrespeta vaʼerãha umi ótro opensáva ha oiko lája

 Tito 3:2: ‘Noñemohatãi vaʼerã haʼekuéra heʼívapente ha siémpre ohechauka vaʼerã ipyʼaguapyha enterovéndi’.

 Mateo 7:12: “Entéro mbaʼe peẽ peipotáva pende rapichakuéra ojapo penderehehápe, peẽ pejapo vaʼerã avei hesehapekuéra”.

 Josué 24:15: “Upéicharõ peelehikuaa mávapepa peservise”.

 Hechos 10:34: ‘Ñandejára otrata enterovépe peteĩchante’.

 Habacuc 1:12, 13: ‘Ñandejára, ndéve nandegustaiete voi umi mbaʼe vai ojejapóva’.

 Romanos 12:19: “Peheja Ñandejárape tohechauka ipochyha umi mbaʼe vai ojejapóvare. Ñandejára Ñeʼẽme heʼi voi: ‘Che añevengáta ha amyengoviáta chupekuéra hembiapo vaikue’, heʼi Jehová”. a

 Ñandejára Jehová ndoipotái ñañevenga, haʼe opromete ojapotaha hustísia itiempoitépe. Eikuaasevéramo ko mbaʼére ehecha pe artíkulo hérava: ¿Alguna vez se hará justicia en el mundo?”.