Eclesiastés 1:1-18
1 Koʼã mbaʼe heʼi vaʼekue pe mboʼehára,*+ pe rréi oĩva Jerusalénpe.+ Itúa hína David.
2 Pe mboʼehára heʼi: “¡Pe vyrorei tuichavéva!, ¡pe vyrorei tuichavéva!
Entéro mbaʼe ningo vyrorei”.+
3 ¿Mbaʼe la oganáva peteĩ persóna ombaʼapo pohýiramo?
¿Mbaʼe la okonsegíva oiko haguére ombaʼapo pohýi pe kuarahy akúpe?+
4 Peteĩ henerasión oho, ha peteĩ henerasión ou,péro ko yvy opytáta* pára siémpre.+
5 Pe kuarahy osẽ* ha oike jey,upéi pyaʼe oho ilugárpe ha ojeprepara osẽ jey hag̃ua.+
6 Pe yvytu oipeju sur gotyo, upéi ojere en sírkulo ha oho pe nórte gotyo,tódo el tiémpo ojere en sírkulo ha núnka ndopytái.
7 Umi arrójo osyry ha oho pe márpe, upéicharamo jepe pe mar núnka nahenyhẽi.+
Umi arrójo siémpre ou jey pe lugár osẽ haguépe, ha upégui osyry jey.+
8 Entéro mbaʼe ningo ñanemokaneʼõ,avave ndaikatúi oexplika mbaʼéichapa oiko entéro mbaʼe.
Ñande resa naikaneʼõi ohecha hague,ni ñande apysa ohendu hague.
9 Umi mbaʼe oiko vaʼekue, umíva oiko jeýta.
Umi mbaʼe ojejapo vaʼekue yma, umíva ojejapo jeýta avei.
Ko yvy ape ári ndaipóri mbaʼeve ipyahúva.+
10 ¿Oĩ piko algúno ikatúva heʼi: “Pemañami, kóva ipyahu hína”?
Umi mbaʼe ningo ja oĩma vaʼekue voi yma,upéva ymaitereíma oexisti hague.
11 Avave ningo naimanduʼái umi hénte yma guarére.
Avave naimanduʼamoʼãi umi oútavare upe rire,ha avave naimanduʼamoʼãi avei umi oútavare upe rireve.+
12 Che hína pe mboʼehára, che hína rréi Israélpe ha amanda Jerusalén guive.+
13 Che adesidi aipuru che arandu+ astudia ha ainvestiga porã hag̃ua opaite mbaʼe ojejapóva ko yvy ape ári.+ Amaña umi tembiapo odesahusiáva umi héntepe, umi traváho Ñandejára omeʼẽva chupekuéra ojapo hag̃ua.
14 Amaña entéro mbaʼe ojejapóvare ko yvy ape ári, ha ahechakuaa opaite mbaʼe vyroreiha.
Haʼete jaikóva yvytu rapykuéri.+
15 Peteĩ mbaʼe ikarẽma guive ndaikatuvéima emboderécho jey,ndaikatúi rekonta umi mbaʼe ndereguerekóiva.
16 Upémarõ ajepyʼamongeta ha haʼe chejupe: “Che chearandu, ha ymaite guive koʼág̃a peve, ndaipóri Jerusalénpe ótro oikuaavéva chehegui.+ Aaprendéma hetaiterei mbaʼe ha chearandu”.+
17 Añehaʼã aikuaa porã mbaʼépa heʼise pe arandu ha añehaʼã avei aikuaa mbaʼépa heʼise la tavy ha la vyrésa.+ Ha opa koʼã mbaʼe vyrorei avei, haʼete jaikóva yvytu rapykuéri.
18 Pórke amáske ñanearandu, jajepyʼapyve,ha amáske jaikuaa hetave mbaʼe, hetave jahasa asy.+
