Salmos 147:1-20
147 ¡Pemombaʼeguasu Jehovápe!*
Iporã ojepurahéi ha oñemombaʼeguasu chupe.
Igustoiterei ñambotuicha Ñandejárape, ñande jaikuaa upéva oĩ porãha.+
2 Jehová omopuʼã jey Jerusalén.+
Haʼe ombyatypa umi Israelgua isarambipa vaʼekuépe.+
3 Ñandejára oipytyvõ umi oñembyasy ha osufrívape,haʼe omonguera ijeridakuéra.
4 Ñandejára okonta ha oikuaa mboy estréllapa oĩ,ha káda únope ohenói hérarupi.+
5 Ñande Ruvicha ndaijojahái ha ipoderosoiterei.+
Avave ndaikatúi oikuaapa mbaʼeichaite pevépa haʼe iñarandu.*+
6 Jehová omopuʼã umi hénte ivuénovape,+péro oheja oñemotĩ umi iñañáva ha omona chupekuéra yvýre.
7 Pepurahéi Jehovápe peagradese hag̃ua chupe.
Pepurahéi Ñandejárape árpa púpe.
8 Haʼe hína pe omoĩva umi arai yvágare,haʼe rupive oky ko yvy ape ári.+
Haʼe hína pe omongakuaáva plánta umi montáñare.+
9 Ñandejára omeʼẽ umi animálpe hembiʼurã,+ha omongaru umi kuérvo raʼy ojerurévape oikóvo hoʼu vaʼerã.+
10 Ñandejára ndohecharamói umi kavaju imbaretéva.+
Ha ndahaʼéi mbaʼevete chupe g̃uarã peteĩ kuimbaʼe iñakuãva.+
11 Péro Jehová ovyʼa ohechávo umi orrespetávape chupe,+umi okonfiáva hese oikuaágui oporohayhuetereiha.*+
12 Jerusalén, emombaʼeguasu Jehovápe.
Sion, embotuicha nde Járape.
13 Pórke haʼe ovendesi ne membykuérape,ha omoĩ pe siuda rokẽre tránka tuicháva ha imbarete porãva.
14 Ñandejára rupive oĩ pyʼaguapy pe siudápe,+haʼe omeʼẽ pe puévlope pe trígo iporãvéva.*+
15 Ñandejára omanda pe yvýpe mbaʼépa oipota oiko,ha sapyʼaitépe oikóma la haʼe heʼíva.
16 Ñandejára oipyso pe niéve ko yvýre peteĩ téla morotĩ asývaicha,+ha omosarambi pe eláda tanimbúicha.+
17 Ñandejára ombou amandáu* ha isarambi pan kuʼícha.+
¿Máva piko oaguantáta la araroʼy?+
18 Ñandejára omanda ha pe iélo hykupa,haʼe ombou peteĩ yvytu atã+ ha pe y oñepyrũ osyry.
19 Ñandejára omombeʼu Jacóbpe la ojapótava,oikuaauka Israélpe iléi ha umi mbaʼe odesidíva.+
20 Ñandejára ndoikuaaukái koʼã mbaʼe umi ótro puévlope.+
Haʼekuéra ndoikuaái mbaʼevete ileikuéragui.
¡Pemombaʼeguasu Jehovápe!*+
Nóta
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
^ Térã: “iñentendído”.
^ Hebréope: “trígo kyrakue”.
^ Térã: “iélo”.
^ Térã: “Alelúja”, heʼiséva “pemombaʼeguasu Jáhpe”. Jah, péicha oñemombyky Jehová réra.
