Emombeʼumína oréve, ¿mbaʼéicha vaʼekue nemitãrõ guare?

Che anase Itáliape áño 1943-pe rokakuaa che ermanokuérandi peteĩ puevloʼi michĩetereívape. Che túa agrikultór ha karpintéro, ore tuakuéra katóliko ha oremongakuaa upe rrelihión heʼiháicha.

¿Mbaʼére redesidi oiko ndehegui paʼi?

Chemitãʼírõ guare che sy siémpre cheguerahámi vaʼekue misahápe ahendu hag̃ua umi paʼípe. Ha chegustaiterei la oñeʼẽ lája hikuái, avei chegusta umi mbaʼe ojapóva hikuái pe tupaópe. Upe guive adesidíma chetuicha rire oikotaha chehegui paʼi. Upéi arekórõ guare 13 áño che sy chegueraha peteĩ eskuélape ojekapasita ha oñembokatupyryhápe umi mitã oserviséva upéi de paʼi.

Rejapo aja upe kapasitasión, ¿heta piko restudia la Biblia?

Legálmente no. Arekórõ guare 15 áño peteĩ che profesór omeʼẽ chéve umi evanhélio, térã umi 4 lívro de la Biblia oñeʼẽva Jesús rekovekuére. Upéva alee heta vése, upéi arekórõ guare 18 aha astudia Rómape peteĩva umi universida pontifísiape oĩva el pápa poguýpe. Pépe astudia latín, griego, istória, filosofía, sikolohía ha teolohía. Ore ningo roikuaa vaʼekue de memória heta téxto de la Biblia ha káda domingo pyhareve rohendu avei ojeleérõ la Biblia pe misahápe. Péro legálmente ndorostudiái la Biblia.

Ha redirihírõ guare pe seminário, ¿otoka ndéve remboʼe ótrope?

Ambaʼapórõ guare upépe che ajapo traváho de ofisína, péro si ameʼẽ kláse oñeʼẽva pe dekréto del Concilio Vaticano Segúndore.

¿Ha mbaʼére reñepyrũ reduda pe rrelihión katólika omboʼévagui?

Prinsipálmente mbohapy mbaʼére añepyrũ aduda. Primero pe iglésia oñentremeteterei pe polítikare. Segundo umi hénte omoakãva ha umi hénte oĩva pe rrelihión katólikape ojapo heta mbaʼe la Biblia heʼíva oĩ vaiha ha noñepenáinte hesekuéra. Ha tercero ahechakuaa oñemboʼeha heta mbaʼe naisentidopáiva. Por ehémplo oñemboʼe Ñandejára okastigaha umi omano vaʼekuépe pára siémpre peteĩ tata rendýpe. Avei apensa ke naisentidoiha jaipuru peteĩ rrosário jarrepentínte hag̃ua siénto de vése la mísma kósa ñañemboʼe jave Ñandejárape. *

¿Mbaʼe redesidi rejapo?

Che resay che rováre añemboʼe Ñandejárape chegiamínte hag̃ua. Chemanduʼa upérõ osẽ ramoite italiánope pe Biblia de Jerusalén. Ajogua upéva peteĩ ha añepyrũ alee. Upéi peteĩ domingo pyhareve pe mísa opa rire che amosaingo hína che sotána. Upe javete og̃uahẽ mokõi kuimbaʼe pe semináriope. Haʼekuéra heʼi chéve haʼeha testígo de Jehová, una órarupi añemongeta hendivekuéra, rohecha umi téxto ohechauka porãva mbaʼéichapa ikatu japilla mávapa haʼe pe rrelihión verdadéra.

¿Ha mbaʼe repensa raʼe umi Testígo ndevisita vaʼekuére?

Chesorprende mbaʼéichapa oikuaa hikuái heta mbaʼe oĩva la Bíbliape ha oĩ segúro la ogueroviávare. Osita chéve heta téxto oĩva che Bíbliape, peteĩ versión katólikape. Tiémpo rire chevisita ótro Testígo hérava Mario, haʼe ipasiénsia ha irresponsavleterei. Káda sábado las 9 de la mañána en púnto ou ombota chéve pe seminário rokẽ tahaʼe haku térã oky jave lomímonte.

¿Ha mbaʼépa heʼi umi ótro paʼi ndevisita haguére umi Testígo?

Che ainvita chupekuéra ohendu hag̃ua la rostudiáva péro nointeresaguasúi chupekuéra. Chéve katu chegustaiterei umi mbaʼe porã aaprendéva. Por ehémplo aaprende mbaʼérepa Ñandejára oheja jasufri ha oĩ mbaʼe vai. Upéva ningo hetaite tiémporema aikuaase kuri.

Ha mbaʼe heʼi umi nde superiorkuéra, ¿ndejokose piko anivéma hag̃ua restudia la Biblia umi Testígondi?

Áño 1975-pe aha Rómape heta vése aexplika hag̃ua che superiorkuérape umi mbaʼe aaprendéva. Ndogustaiete chupekuéra la ohendúva ha chekonvensese ajekivokaha, péro ndohechaukái chéve ni peteĩ téxto oĩva la Bíbliape. Ipahápe el 9 de enero de 1976 askrivi peteĩ kárta de rrenúnsia pe iglésiape ha amondo Rómape. Dos día upe rire aha pe semináriogui ha primera ves añembyaty umi testígo de Jehová ndive. Upe okasiónpe haʼe vaʼekue peteĩ asambléa oĩhápe heta kongregasión, opa mbaʼénte upépe idiferentete voi. Káda Testígo oreko ibíblia ha oheka umi téxto ositáva pe diskursánte.

¿Mbaʼéicha orreaksiona raʼe ne hentekuéra?

Vuéno la majoría ipochyeterei, péro upéi añentera peteĩ che ermáno ostudiaha la Biblia umi testígo de Jehovándi. Haʼe oiko vaʼekue Lombardíape, peteĩ puevloʼi oĩva al nórte de Italia. Upémarõ aha avisita chupe ha umi Testígo upepegua chepytyvõ atopa hag̃ua che travahorã ha peteĩ lugár aiko hag̃ua. Upe áñope voi che ajevautisa ha oiko chehegui testígo de Jehová.

¿Rembyasýpa la redesidi vaʼekue?

No, ni mbaʼevéicharõ. Koʼág̃a ningo añetehápe Ñandejára haʼe che amigoite, pórke aikuaa porã chupe la Biblia rupive, ndahaʼéi umi filosofía ni umi tradisión omboʼéva umi iglésia rupive. Ha koʼág̃a amboʼe jave che rapichápe aime segúro haʼeha la verda pórke ou la Bíbliagui.