Ñañangarekókena ñande pyʼapýre
Aty guasu tres diagua ojapóva Testigos de Jehová
TÉYSTO OMOPYENDÁVA VIERNESGUA
“Jehová omaʼẽ yvypóra pyʼapýre” (1 SAMUEL 16:7, NM)
TÉYSTO OMOPYENDÁVA SABADOGUA
“Umi mbaʼe jaʼéva ningo osẽ ñane korasõgui” (MATEO 12:34, NM)
TÉYSTO OMOPYENDÁVA DOMINGOGUA
“Ejapo nde pyʼaite guive Jehová heʼíva” (1 CRÓNICAS 28:9, NM)
Pe ñeʼẽ korasõ haimete mil vése oĩ la Bíbliape. Péro heta vése upe ñeʼẽ ojeporúnte ehémploramo. Pyʼỹinte ojeporu oñeñeʼẽ hag̃ua yvypóra pyʼapýre, térã umi mbaʼe opensa, oñandu ha oipotáva rehe.
¿Mbaʼérepa ñañangarekovaʼerã ñande pyʼapy térã ñane korasõre? Ñandejára ohaikavaʼekue rréi Salomónpe: “Eñangarekókena nde pyʼapýre opaite mbaʼégui, chugui ningo heñói pe tekove” (Proverbios 4:23, NM). Jaiko porã hag̃ua koʼág̃a ha jahupyty hag̃ua umi mbaʼe porã oĩva tenonderãme, odepende mbaʼéichapa oĩ ñande pyʼapy. Jahechaháicha, Ñandejára omaʼẽ ñande pyʼapýpe oĩvare (1 Samuel 16:7). Upévare, ‘ñande pyʼapýre’ odepende mbaʼépa Ñandejára opensáta ñanderehe (1 Pedro 3:4).
Upéicharõ, ¿mbaʼéichapa ikatu ñañangareko ñande pyʼapýre? Ko mbaʼe oñehesaʼỹijóta umi Aty guasu tres diagua ojapótavape umi testígo de Jehová ko yvy tuichakuére. Hiʼãiterei oréve rehomi umi tres día. a Reaprendéta mbaʼéichapa reikovaʼerã rembovyʼa hag̃ua Ñandejára Jehovápe (Proverbios 27:11).
[Nóta]
a Reikuaa hag̃ua moõpa ag̃uive ojejapóta nde rógagui, ehecha Internétpe www.ps8318.com. Ikatu avei reporandu umi testígo de Jehovápe térã umi oguenohẽvape ko rrevísta.
[Roagradese oĩva páhina 32-pe]
Fóto oĩva deréchape: Aus dem Fundus der MÜNCHNER OLYMPIAPARK GMBH (Múnich)
