Nahániri. Testígo de Jehová nomeʼẽi pe diésmo; ore rokuvri ore gásto kontrivusión voluntária rupive. ¿Mbaʼépa hína pe diésmo ha mbaʼérepa testígo de Jehová nomeʼẽi ni ndojeruréi upéva?

 Yma pe Léi oñemeʼẽ vaʼekue Israélpe heʼi omeʼẽ vaʼerãha hikuái pe diésmo, térã 10% umi mbaʼe orekóvagui, péro la Biblia heʼi porã upe Léi natekotevẽveimaha okumpli koʼág̃a umi kristiáno (Hebreos 7:5, 18; Colosenses 2:13, 14).

 Ore testígo de Jehová romeʼẽ rangue pe diésmo térã ofrénda, rosegi umi kristiáno ypykue ehémplo ha roipytyvõ mokõi hendáicha kongregasiónpe: ropredika ha romboʼe la Biblia ore rapichakuérape, ha romeʼẽ ore kontrivusión voluntária.

 Upéicha rojapóvo, rokumpli la Biblia heʼíva kristianokuérape: “Káda uno tomeʼẽ ipyʼapýpe odesidiháicha, anítei omeʼẽ tovapukúpe ni ojejopýgui chupe; Ñandejára ohayhúgui upe vyʼapópe omeʼẽvape” (2 Corintios 9:7).