Si, ore testígo de Jehová roho doktórpe ha roʼu avei pohã. Roñangarekóramo jepe orejehe, sapyʼánte tekotevẽ roho doktórpe (Lucas 5:31). Lucas ningo peteĩ kristiáno síglo primeropeguare ha haʼe doktór vaʼekue, upéicha avei koʼág̃a rupi oĩ testígo de Jehová haʼéva doktór (Colosenses 4:14).

 Péro ore romboyke umi tratamiénto ndogustáiva Ñandejárape. Por ehémplo, noromoĩkai tuguy, la Biblia heʼi rupi ndajaipurúi vaʼerãha (Hechos 15:20). Ñandejára Ñeʼẽ ohechauka avei ndovaleiha jajevale espiritísmore jakuera hag̃ua (Gálatas 5:19-21).

 Péro oĩ heta tratamiénto la Biblia ndeʼíriva ivaiha, upévare káda Testígo odesidi mbaʼeichaguápa oiporavóta. Upéicha rupi ikatu oĩ odesidíva osegi peteĩ tratamiénto térã hoʼu peteĩ pohã, péro ótro Testígo odesidi omboyke umíva (Gálatas 6:5).