KƆ’ƆN PIGERA!
Nɛreba Yelesego Wan Malum Tole?—Baabule La Yeti Bem?
Nɛreba zo’e zo’e ka boti yelesego bɔna ge la kpe’em mɛ ti la tum.
António Guterres n de UN Secretary-General la yeti, “Tingole wa za’a poan, nɛreba yelesego kɔ’ɔn sa’ana tiga, tuuma la nɛreba vom mɛ. Nɛreba yelesego kɔ’ɔn basɛ ti nɛreba ka ita som bɔ’ɔra taaba.”—
Saŋa keni na ti nɛreba yelesego wan tole? Baabule la yeti bem?
Naayinɛ n geele nɛreba yelesego se’em
Baabule la basɛ ti to baŋɛ Naayinɛ n geele buuri woo nɛreba se’em mɛ.
‘Naayinɛ doose la buraa ayima poan maalɛ tiŋa woo nɛreba ti ba bɔna tingɔŋɔ wa za’a poan.’—Tooma 17:26.
‘Naayinɛ ka gãseri ge tiŋa woo poan nɛresɛka n zoti en ge ita sɛla n ani soŋa a ni to’e en mɛ.’—Tooma 10:34, 35.
Baabule la pa’alɛ ti asaaleba woo dela buyina. Bala, Naayinɛ to’ori nɛreba n boi buuri woo poan mɛ.
Nɛreba yelesego n wan tole se’em
Naayinɛ saazuo gɔmɛt la poan, nɛreba yelesego kan le bɔna. Gɔmɛt bumɔ wan pa’alɛ nɛreba ban wan ita som bɔ’ɔra taaba se’em. Nɛreba wan ta baŋɛ ban wan eŋɛ se’em ta’an yese yelesego ba suuren basɛ.
‘Tiŋa la zuo nɛreba wan zamesɛ la tontɔɔ bɔŋa.’—Isaiah 26:9.
‘Yelemɛŋɛrɛ tontɔɔ tuuma wan basɛ ti suma’asum bɔna, ti yelemɛŋɛrɛ tontɔɔ tuuma me wan basɛ ti mama la fai bɔŋa bɔna wuusa.’—Isaiah 32:17.
Zina beere wa, nɛreba zo’e zo’e kɔ’ɔn zamesa Baabule la mɛ ti ba baŋɛ ban wan eŋɛ se’em ta’an tara gilema la naŋa bɔ’ɔra nɛreba.
Ho san bɔta ti ho zamesɛ zo’e zo’e pa’asɛ, kaalɛ Awake! magazine la zuo n de “Is There a Cure for Prejudice?” (Nɛreba Nɛ’ɛsegɔ Wan Malum Tole?)
Kaalɛ zaseŋɔ yele la zuo n de “Talking to Children About Racism” (Hon Wan Soŋɛ Ho Kɔma Se’em Ti Ba Kan Gãsera) ge baŋɛ dɔɣereba n wan sɔsɛ yele wa se’em ba yɛa poan.
Ho Me Ta'an Bɔta Yele Ana
ESSENTIAL BIBLE TEACHINGS
Naayinɛ Na’am La Dela Bem?
Yezu na’am mɔɔlegɔ la poan, a yuun tɔɣɛ Naayinɛ Na’am la yele mɛ gaŋɛ yetɔɣum woo. Yuun kɔbesi poan, a podɔleba me zusɛ mɛ ti Na’am la wa’ana.
TO YƐLA
Mam Boti La Ya Wa’ana
Sɔsɛ ya sɛla n boi Baabule la poan bii ho zamesɛ Yehowa Sɛɛradoma yɛla pa’asɛ.
