Tingɔŋɔ wa kpɛ’ɛndoma, la tiga kãra la za’a puɣum ka nyaŋɛ basɛ ti suma’asum bɔna tingɔŋɔ wa zuo. Tingɔŋɔ Wa Za’a Zaberɛ II la pooren ta paɛ zina, tomam dabesa wa n kɔ’ɔn pirɛ la zaberɛ la gbire gbire yɛla. Nɛreba n paɛ tus tus tusa ayi n boi tinse’a ti zaberɛ bɔna bim.

 Beni n sɔi ti nɛreba kan ta’an basɛ ti suma’asum bɔna? Baabule la yeti bem?

1.  1. Nɛresaaleba n tari halese’a la n basɛ ti la kpe’em bo ba ti ba basɛ ti suma’asum bɔna. Baabule la yuun tɔɣɛ biŋe ti tomam dabesa wa poan, ‘nɛreba wan nɔŋɛ bamesi, nɔŋɛ ligeri, ŋmɛ’ɛra ba nyũ’ɔ, pa’ala bamesi, ka tara yelemɛŋɛrɛ, ka tara nɔyinɛ, ka tara nyɔkɛ n mea, tuna gbire gbire tuuma, tuna zuku’urɛ tuuma, nɔŋɛ nyɛlum dia.’​—2 Timoti 3:2-4.

2.  2. Nɛnɛra ka boi n wan ta’an maalɛ amea yeledaaŋɔ, san daɣena la Yehowa a Naayinɛ n de to Naaŋɔdaana la n soŋɛ en. Baabule la yeti ‘nɛresaala kan ta’an baŋɛ n wan kena se’em.’​—Yeremia 10:23.

3.  3. Sitaana Kolekpabɛ’a la n de putɔa ge me tara paŋa la n biseri tingɔŋɔ la. Eŋa ‘n pã’aseri tingɔŋɔ wa za’a nɛreba.’ (Liligere 12:9) Ge ‘tingɔŋɔ wa za’a n kelum bɔna be’emdaana la nu’usin la’ zuo, zaberɛ la gbire gbire tuuma me wan kelum bɔna.​—1 Yon 5:19.

 Baabule la yeti, Naayinɛ ma’a n wan basɛ ti suma’asum bɔna, daɣɛ nɛresaala.

•   ‘Yehowa yeti, mam mi putɛse’a ti n ti’isa bɔ’ɔra ya mɛ, n ti’iseri la suma’asum yɛla bɔ’ɔra ya ge daɣɛ daaŋɔ yɛla ti n basɛ ti la beere ta ana soŋa bɔ’ɔra ya.’​—Yeremia 29:11.

 Naayinɛ wan eŋɛ la wani basɛ ti la tum? ‘Naayinɛ se’em n bo’ori suma’asum la wan sa’am Sitaana.’ (Arom 16:20) Naayinɛ wan doose la a saazuo gɔmɛt la ti Baabule la yi’iri ti ‘Naayinɛ Na’am la’ poan basɛ ti suma’asum bɔna tingɔŋɔ wa za’a poan. (Luke 4:43) Yezu Krista n de Na’am wa Naba la san bisera tingɔŋɔ wa, a wan pa’alɛ nɛreba ti ba bɔna la suma’asum.​—Isaiah 9:6, 7.

•   Ho san bɔta ti ho zamesɛ pa’asɛ, kaalɛ zaseŋɔ yele la zuo n de “What Will God’s Kingdom Accomplish?” (Naayinɛ Na’am La Wan Eŋɛ La Bem Bo To?).