To ta’an soke sokere zo’e zo’e to vom poan n de wuu Beni zuo ti ba naam tɔ tingɔŋɔ wa zuo? bii Mam vom wa tari vuurɛ? Baabule la basɛ ti to baŋɛ ti to vom wa vuurɛ dela to tara bɔnsoŋa la Naayinɛ. Bisɛ yelekpina se’a ti Baabule la basɛ ti to baŋɛ.

•   Naayinɛ dela to Naaŋɔdaana. Baabule la yeti: “[Naayinɛ] n naam tɔ, daɣɛ tomam n sɔi tomea.”​—Yooma 100:3; Liligere 4:11.

•   Naayinɛ tari la putɛsonɛ zuo ti a naam sɛla woo.​—Isaiah 45:18.

•   Naayinɛ naam to mɛ ti “vo’osum poan yɛla” pakɛ tɔ ti to ta’an tara vom somɔ. (Matu 5:3) A me boti la to nyɛta vo’osum poan yɛla.​—Yooma 145:16.

•   To san tara bɔnsoŋa la Naayinɛ bala ni basɛ mɛ ti to nyɛta sɛla n pakɛ tɔ vo’osum poan. La boi bim ti basɛba ta’an ti’isa ti la kan ta’an eŋɛ ti to dɛna Naayinɛ zɔ ge Baabule la kpemese to giila ti: “Vuruge ya lɛm Na’ayenɛ te a me wan vuruge lɛm ya.”​—Yames 4:8; 2:23.

•   Ho san bɔta ti ho dɛna Naayinɛ zɔ, la nari ti ho vɔi ho vom ti la makɛ la a puti’irɛ n boti se’em la. Baabule la pa’alɛ a puti’irɛ ti la bɔna la Pa’ala 12:13: “Tara zoolum bɔ’ɔra Naayinɛ ge me nana a nɔya la sɛla n sɔi la eŋa n naam tɔ.”​—Good News Translation.

•   To wan ta nyɛ Naayinɛ kã’a za’a la beere sa’am se’em ma’a ti a wan yese namesegɔ basɛ ge basɛ ti a zɔdoma la tara vom n ka tari ba’asegɔ la.​—Yooma 37:10, 11.