Taɖona enɛ kɔ̀n wɛ kpíkpli dodinnanutɔ ɖélɛ tɔn wá gandó ninɔmɛ aimɛ tɔn xe to ɖiɖyɔ́ go. Enyí a yise ɖɔ Mɛdatɔ ɖé tíin bo nɔ ɖɔ gbɛtɔvi lɛ tɔn, taɖona xe kɔ̀n wenywɛtɔ enɛlɛ wá gán flin we ɖɔ Jixwéyɛxwe wleawuna ayigba kpó tito jɔwamɔ tɔn susu lɛ kpó, ná é nidó nɔ to eɖe vɔ́ jlaɖo.

Etomɔco, obá xe mɛ gbɛtɔvi lɛ ko hɛnnugble to ayigba go jɛ dóxya ɖɔ tito jɔwamɔ tɔn enɛlɛ ma ko kpé ná ayigba nidó gbɔci aimɛ. Naegbɔ̌n mǐ gán kudeji ɖɔ Jixwéyɛxwe ná yí nuɖé wà?

Kpɔ́n wěfɔ xe nyí síslɛ dó akpótin lɔ mɛ lɛ. Wěfɔ exelɛ ná mǐ jiɖe ɖɔ ayigba ná gbɔci aimɛ bo ná tlɛ sɔ́ tíin to ninɔmɛ ɖagbe mɛ.

• Jixweyɛxwe wɛ dá ayigba. “To bɛ́jɛeji Jixwéyɛxwe dá olɔn lɛ kpó ayigba kpó.”—Jenɛsísí 1:1

• Jixwéyɛxwe tɔn wɛ ayigba. “Jehovah a tɔn wɛ ayigba kpó nǔxe tíin to é jí lɛkpó kpó.”—Salmu lɛ 24:1

• Jixwéyɛxwe dá ayigba ná é nidó gbɔci aimɛ. “Ewɔ ko ɖó ayigba ai dó dǒdónu etɔn lɛ jí; é ma ná nyí tɛnsɛna kpɔ́n gbeɖe.”—Salmu lɛ 104:5

• Jixwéyɛxwe dókpà ɖɔ gbɛninɔ ná vivi to ayigba jí kakadói. ‘Jixwéyɛxwe nǔgbó lɔ, Mɛxe basí ayigba, ma dá ɛ to ovɔ́ mɛ, cigbǎ é dá ɛ ná yè nidó nɔ nɔ̀ é jí.’—Izaya 45:18

• Jixwéyɛxwe dókpà ɖɔ gbɛtɔvi lɛ ná nɔgbɛ̀ to ayigba exe jí kakadói. “Dodónɔ lɛ wɛ ná ɖugu ayigba tɔn, yé nasɔ́ nɔgbɛ̀ to é jí kakadói.”—Salmu lɛ 37:29

Jixwéyɛxwe dá ayigba ná gbɛtɔvi lɛ nidó ɖǔvivi etɔn bo hɛn ɛn dó ninɔmɛ ɖagbe mɛ. Biblu ɖɔ ɖɔɖáyǐ ɖɔ to ojlɛ̌ xe Jehovah Jixwéyɛxwe ɖé lɔ mɛ, ewɔ ná ɖoalɔtena nǔxe nukúnkɛn ko hɛngble to ayigba go lɛ.—Osɔ́xya 11:18

Biblu dókpà ɖɔ to enɛgodo, Jixwéyɛxwe ná ɖyɔ́ ayigba zun paladisi xe nyɔhwǎnkpɛ ɖé bo ná hùn alɔ etɔn nadó “nɔ hɛn kpékɔ wá ná ojlǒ nutogbɛ̀ lɛkpó tɔn.”—Salmu lɛ 145:16