Mɛsusu wɛ é nɔ vɛawuna egbesɔegbesɔ nadó mɔ dandannu gbɛ̀mɛ tɔn lɛ. É blawu ɖɔ nuxahun xe to ogbɛ̀ lɔ mɛ lɛ zɔ́n bɔ é fɔ́n bo to awuvɛ dógɔ́. Etɛ́wutu?

• Enyí nulɛ wlu to otò ɖé mɛ, nususu nɔ saba yí-kwɛ́, kakajɛ núɖùɖù kpó oxɔ̀ kpó jí.

• Azɔ̌n gán gble dó mɛsusu kavǐ ɖɔ akwɛ́ xe yé nɔ ɖù ni ɖekpò enyí otò ɖé mɛ wlu.

• Nugbajɛmɛji lɛ gán hɛn ajɔ́, oxwé kpó nutindó mɛlɛ tɔn kpó gble bɔ mɛsusu na tlɔ byɔ́ ohɛ́n mɛ.

• Enyí a nɔ kpɔ́n akwɛ́ dó zán bɔ nulɛ tlɛ wá ɖyɔ́ to otò lɔ mɛ, é ma ná dán we zɛjlɛgo.

• Akwɛ́ ma nɔ namɛ xixɔ́ xe nɔ dɛn-to-aimɛ; akwɛ́ gán gble bɔ nutindó lɛ ná kpɔ́ta.

• Nuɖelɛ tíin bɔ akwɛ́ ma gán hɔ̀, tayiɖi ayǎjɛ kpó gbenɔkpɔ́ to hwɛndó mɛ kpó.

Biblu ɖɔmɔ: “Enyí mǐ tindó núɖùɖù kpó avɔ̀ kpó, onǔ exelɛ ni kpékɔna mǐ.”—1 Timoti 6:8.

Mɛxe ɖó kpékɔ ma nɔ jlonu, kakatimɔ é nɔ vivi ná ɛn enyí é ko gbɛ́ mɔ dandannu azán ɖokpóɖokpó tɔn lɛ. Exe nyí nǔjɔnǔ tawun enyí akwɛ́ masɔ nɔ byɔ́ xwégbè ɖi ɖayǐ ba.

Alixo ɖé nadó ɖó kpékɔ wɛ nadó ɖé akwɛ́zinzan kpò. Enyí a nɔ zán akwɛ́ hú ɖexe a nɔ mɔ, ninɔmɛ towe ná fɔ́n bo to vinvantan.