Ayihɔ́n ɖé Xe to Bɛwlu Mɛ—Lěxe É Gán Kpà We Ðo
Be é nɔ ɖi ná we ɖɔ nuxahun xe gbɔn kámɛ-gòmɛ to ogbɛ̀ lɔ mɛ lɛ to dindan we tawun wɛ ya? Vlavo ɖokpó to nǔxe bɔdego lɛ mɛ sín yaji wɛ a te to fie a nɔ nɔ̀:
ahwàn
azɔ̀nylankan
ayigba sisɔsisɔ kavǐ onǔ mɔnkɔ lɛ
ohɛ́n
nuvɛun
danuwiwa
Mɛsusu wɛ masɔ nɔ ɖó toɖiɖo ɖékpókpé ba bo nɔ blawu to hwenue adán ɖaxo gbò yé. É nɔ yinuwadó mɛɖélɛ jí sɔmɔ bɔ yé masɔ nɔ ɖó ayǎjɛ kpaali. Amɔ́, to hwenue mɛxe adán gbò nɔ ninɔmɛ mɔnkɔ mɛ ná ojlɛ̌ dindɛn, nulɛ nɔ vantan.
To adángbòmɛ hwenu, nunywɛnu wɛ é nyí ɖɔ a ni yinuwa kpó adɔgbigbo kpó bo basí xixɔ́na mɛvivɛ towe lɛ, agbasalilo towe, azɔ̌n towe, kpó ayǎjɛ towe kpó.
Etɛlɛ wɛ a gán wà bɔ nuxahun xe gbɔn kámɛ-gòmɛ lɛ ma ná hɛnnugble to gowe zɛjlɛgo?
