Osọhia 3:1-22
3 “Kanwehlan angẹli agun he tin to Sadi tọn dọmọ: Nuhe mẹhe tindo gbigbọ ṣinawe Jiwheyẹwhe tọn lẹ+ po sunwhlẹvu ṣinawe lẹ+ po dọ die: ‘N’yọ́n walọ towe lẹ, dọ hiẹ tindo oyín lọ dọ hiẹ* togbẹ̀, ṣigba oṣiọ wẹ hiẹ.+
2 Tin to aṣeji+ bo hẹn nuhe pò he ko dibla kú lẹ lodo, na n’ma mọdọ azọ́n towe lẹ yin wiwà to gigọ́ mẹ* to Jiwheyẹwhe ṣie nukọn.
3 Enẹwutu, nọ na ayidonugo* lehe hiẹ mọyi do podọ lehe hiẹ sè do to whepoponu, bo zindonukọn nado nọ payi e go, bosọ lẹnvọjọ.+ Na nugbo tọn, eyin hiẹ ma fọ́n, yẹn na wá taidi ajotọ de,+ podọ hiẹ ma na yọ́n ogàn he mẹ yẹn na wá ji we te gba.+
4 “‘Etomọṣo, hiẹ tindo omẹ* vude to Sadi he ma ko hẹn awù yetọn lẹ flu,+ yé nasọ zinzọnlin hẹ mi to awù wewe yetọn lẹ mẹ,+ na yé jẹ wutu.
5 Gbọnmọ dali, mẹhe gbawhàn+ na yin aṣọ́dona po awù wewe lẹ po,+ n’ma nasọ de* oyín etọn sẹ̀ sọn owe ogbẹ̀ tọn lọ mẹ to aliho depope mẹ,+ ṣigba yẹn na yigbe to Otọ́ ṣie nukọn podọ to angẹli etọn lẹ nukọn dọ n’yọ́n oyín etọn.+
6 Mì gbọ mẹhe tindo otó ni sè nuhe gbigbọ to didọna agun lẹ.’
7 “Kanwehlan angẹli agun he tin to Filadẹlfia tọn dọmọ: Nuhe mẹhe yin wiwe,+ mẹhe yin nugbo,+ mẹhe tindo họnhungan Davidi tọn,+ mẹhe nọ hùn bọ mẹde ma nọ sú, bo nọ sú bọ mẹde ma nọ hùn lọ dọ die:
8 ‘N’yọ́n azọ́n towe lẹ—pọ́n! n’ko ze ohọ̀n he to nùvo de donukọnna we,+ ehe mẹdepope ma sọgan sú. N’sọ yọnẹn dọ huhlọn vude wẹ hiẹ tindo, podọ hiẹ whlá ohó ṣie bo ma mọ́n oyín ṣie.
9 Pọ́n! Yẹn na hẹn mẹhe wá sọn sinagọgu Satani tọn mẹ he ylọ yede dọ Ju, ṣogan bo ma yinmọ+ ṣigba bo to lalodo lẹ—pọ́n! yẹn na hẹn yé wá bọ yé na litai* to afọ towe lẹ kọ̀n bo nasọ hẹn yé yọnẹn dọ n’yiwanna we.
10 Na hiẹ yí ohó he gando akọndonanu ṣie go whlá* wutu,+ yẹn nasọ whlá we sọn ojlẹ mẹtẹnpọn tọn mẹ ga,+ ehe na wá aigba fininọ lẹpo ji, yèdọ nado tẹ́n mẹhe nọ nọ̀ aigba ji lẹ pọ́n.
11 Yẹn ja to niyaniya mẹ.+ Tẹdo nuhe hiẹ tindo lọ go gligli, na mẹdepope ni ma do yí jẹgbakun towe blo.+
12 “‘Mẹhe gbawhàn—yẹn na hẹn ẹn zun dòtin de to tẹmpli Jiwheyẹwhe ṣie tọn mẹ, podọ ewọ ma na tọ́n sọn e mẹ to aliho depope mẹ gbede, yẹn nasọ kàn oyín Jiwheyẹwhe ṣie+ tọn podọ oyín tòdaho Jiwheyẹwhe ṣie tọn, yèdọ Jelusalẹm Yọyọ lọ+ he jẹte sọn olọn sọn Jiwheyẹwhe ṣie dè po oyín yọyọ ṣie po do ewọ ji.+
13 Mì gbọ mẹhe tindo otó ni sè nuhe gbigbọ to didọna agun lẹ.’
14 “Kanwehlan angẹli agun Laodikea+ tọn dọmọ: Nuhe Niṣẹ,*+ kunnudetọ+ nugbonọ po nugbo+ po, mẹhe yin bẹjẹeji nudida Jiwheyẹwhe tọn lẹ tọn lọ dọ die:+
15 ‘N’yọ́n walọ towe lẹ, dọ hiẹ ma miọn kavi hùnmiyọ́n. N’jlo dọ hiẹ ni miọn kavi hùnmiyọ́n.
16 Enẹwutu, na hiẹ gblọ bo ma hùnmiyọ́n+ kavi miọn+ wutu, yẹn na slú we sọn onù ṣie mẹ.
17 Na hiẹ dọ dọ, “Adọkunnọ wẹ yẹn+ bo ko jẹ adọkun bo masọ tindo nuhudo nudepope tọn paali” wutu, ṣigba bọ hiẹ ma yọnẹn dọ tapònọ, lèlènọ, wamọnọ, nukuntọ́nnọ wẹ hiẹ bosọ to omẹ́,
18 yẹn na we ayinamẹ nado họ̀ sika he yè kọ̀n to miyọ́n mẹ sọn dè e, na hiẹ nido sọgan lẹzun adọkunnọ, podọ nado họ̀ awù wewe lẹ, na hiẹ nido sọgan sọnú, na mẹdevo lẹ nikaa mọ omẹ́ towe bọ winyan na hù we,+ podọ nado họ̀ nukun-masin nado sá do nukun towe lẹ,+ na hiẹ nido sọgan mọnú.+
19 “‘Mẹhe yẹn yiwanna lẹpo wẹ n’nọ wọhẹ bo nọ domẹplọnlọ yé go.+ Enẹwutu, yin zohunhunnọ bo lẹnvọjọ.+
20 Pọ́n! Yẹn to ote to ohọ̀n ji bo to họ̀nhúhú. Eyin mẹdepope sè ogbè ṣie bo hùnhọ̀n, yẹn na biọ owhé etọn gbè bo na dù núdùdù whèjai tọn hẹ ẹ podọ ewọ hẹ yẹn.
21 Mẹhe gbawhàn+ wẹ yẹn na na dotẹnmẹ nado sinai hẹ mi to ofìn ṣie ji,+ yèdọ kẹdẹdile yẹn gbawhàn bo sinai+ hẹ Otọ́ ṣie to ofìn etọn ji do.
22 Mì gbọ mẹhe tindo otó ni sè nuhe gbigbọ to didọna agun lẹ.’”
Nudọnamẹ Odò Tọn
^ Kavi “hiẹ yin yinyọnẹn taidi mẹhe.”
^ Kavi “jẹ vivọnu.”
^ Kavi “nọ flin.”
^ To paa mẹ, “yinkọ.”
^ Kavi “súnsún.”
^ Kavi “dẹ́ do odò.”
^ Kavi vlavo, “hodo apajlẹ akọndonanu ṣie tọn.”
^ Kavi “Amẹn” to Glẹkigbe mẹ.
