Jobu 5:1-27
5 “Jaale, ylọ bo pọ́n! Be mẹdepope na gblọnna we ya?
Detẹ to angẹli wiwe* lẹ mẹ wẹ hiẹ na lẹhlan?
2 Na adidudu wẹ na hù nulunọ,Podọ nuvẹun wẹ na hẹn okú wá na wunvinọ.
3 Yẹn ko mọ bọ onú to yinyọ́n na nulunọ,Ṣigba to ajiji mẹ, nọtẹn etọn yin dẹ̀hodo.
4 Hihọ́ dẹn do visunnu etọn lẹ,Yè nọ gbidi yé sẹ̀ to họngbo tòdaho lọ tọn kọ̀n,+ bọ mẹdepope ma nọ tin nado whlẹn yé.
5 Nuhe ewọ gbẹ̀n wẹ mẹhe huvẹ to hùhù nọ dù,Eyin nulọ tlẹ to owùn lẹ ṣẹnṣẹn,Podọ nutindo yetọn lẹ wẹ mẹdevo lẹ nọ domọwle.
6 Na nuylankan ma nọ wujẹgbonu sọn kọmẹ,Podọ tukla ma nọ tọ́nkun sọn aigba mẹ.
7 Na e họnwun dọ tukla wutu wẹ gbẹtọ do nọ yin jiji,Kẹdẹdile e họnwun dọ miyọ́n nọ ji hlan aga do.
8 Ṣigba, yẹn na vẹ̀ Jiwheyẹwhe,Podọ yẹn na ze owhẹ̀ ṣie donukọnna Jiwheyẹwhe,
9 Yèdọ na Ewọ he nọ wà onú daho po dinmamọdona lẹ po,Nujiawu madosọha lẹ.
10 E nọ hẹn jikun ja do aigba jiBo nọ deanana osin hlan ogle lẹ mẹ.
11 E nọ ze agbátọnọ lẹ daga,Bo nọ ze mẹhe jẹflumẹ lẹ daga na yé nido mọ whlẹngán.
12 E nọ hẹn wlẹnwin ayiha wintinwintinnọ lẹ tọn zun ovọ́,Na azọ́n alọ yetọn tọn lẹ nikaa tindo kọdetọn dagbe.
13 E nọ wle nuyọnẹntọ lẹ to ayiha gigẹdẹ yetọn titi mẹ,+Na tito zinzintọ lẹ tọn nido yin hinhẹngble.
14 Ozán nọ kú do yé to okle,Podọ yé nọ to avìdla pé to owhè ṣádada mẹ taidi to zánmẹ.
15 E nọ whlẹnmẹ sọn ohí he tọ́n sọn onù yetọn mẹ nù,Bo nọ whlẹn wamọnọ sọn alọ huhlọnnọ tọn mẹ,
16 Sọmọ bọ todido nọ tin na agbátọnọ lẹ,Ṣigba, yè nọ bọnùdo na mawadodonọ lẹ.
17 Pọ́n! Ayajẹnọ wẹ mẹhe Jiwheyẹwhe wọhẹ;Enẹwutu, a gbẹ́ mẹplọnlọ Ganhunupotọ lọ tọn dai blo!
18 Na ewọ nọ hẹn awufiẹsa wá, bosọ nọ blá apà namẹ;Ewọ nọ gbà hányán, bosọ nọ yí alọ etọn lẹ do hẹnazọ̀ngbọ.
19 Ewọ na whlẹn we sọn nugbajẹmẹji ṣidopo mẹ,Bọ ṣinawetọ lọ lọsu ma tlẹ na gbleawuna we.
20 Ewọ na fli we gọ̀ sọn okú si to huvẹ whenu,Podọ sọn huhlọn ohí tọn si to awhàn whenu.
21 Hiẹ na yin hihọ́-basina sọta odẹ́ he nọ hò omẹ taidi obá,+Podọ hiẹ ma na dibu to whenue vasudo na wá aimẹ.
22 Hiẹ na ṣàn vasudo po huvẹ po kò,Podọ hiẹ ma na dibuna gbekanlin aigba tọn lẹ.
23 Na zannu he to glemẹ lẹ ma na gbleawuna we,*Podọ hiẹ na tin to jijọho mẹ hẹ gbekanlin danji tọn lẹ.
24 Hiẹ na yọnẹn dọ gòhọ towe tin to hihọ́* mẹ,Podọ eyin hiẹ yì pọ́n kanlindugbo towe, hiẹ na mọdọ nudepope ma whè.
25 Hiẹ na tindo ovi susu,Podọ kúnkan towe lẹ na sù taun di ogbé to aigba ji.
26 Huhlọn towe ma na depò kaka hiẹ nado kú,Kẹdẹdi okọ̀ jinukun tọn he yin bibẹpli to osaa yetọn mẹ lẹ.
27 Pọ́n! Mí ko dindona ehe, bo mọdọ mọ wẹ e te.
Dotoai bo kẹalọyi i.”
Nudọnamẹ Odò Tọn
^ To paa mẹ, “omẹ wiwe.”
^ Kavi “ma na basi alẹnu (gbekọndopọ) de hẹ we.”
^ To paa mẹ, “jijọho.”
